БИШКЕК, 30-май — Sputnik. "Тазалык" муниципалдык ишканасы жер алдындагы өтмөктөрдү иретке келтирип жатат. Бул тууралуу мэрия билдирди.
Маалыматка ылайык, муниципалдык ишкананын кызматкерлери Лев Толстой, Байтик баатыр, Алматы жана Фучик көчөлөрү менен Түштүк магистраль жолундагы адам өткөн жолдорду тазалап жатышат.
Бишкекте жалпы 11 жер алдындагы өтмөк бар. Алардын бешөөсү Ленин районунда болсо, Октябрь, Биринчи Май жана Свердлов райондорунда экиден өткөрмөлөр жайгашкан.
Жакынкы аралыкта "Бишкекжарык" ишканасы жер алдындагы өткөрмөлөрдөгү жарыктандыруу системасын оңдоого алат.
