БИШКЕК, 5-май — Sputnik. Эртең Кыргызстандын көпчүлүк аймагында күн күркүрөп, тоолуу аймактарда кар жаайт. Бул тууралуу Кыргызгидромет билдирди.
Маалыматка ылайык, 6-майда туруксуз аба ырайы сакталып турат. Мезгил-мезгили менен жаан жаап, бийик тоолуу аймактарда кар жаашы күтүлөт. Нөшөрлүү жаан-чачынга байланыштуу республиканын тоолуу аймактарда жана тоо этектеринде сел жүрүшү мүмкүн.
Чүй өрөөнүндө түнкүсүн 7…12, күндүз 17…22 градуска чейин жылуу болот.
Ал эми Ош шаарында түнкүсүн жаан-чачын күтүлбөйт, күндүз жаан жаап, күн күркүрөшү мүмкүн. Абанын температурасы түнкүсүн 12…14 градус, күндүз 22…24 градус жылуу болот.
Бийик тоолуу аймактарда жолдор тоңголок, тайгак болушу күтүлөт. Батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетет.
