Учурда фонтандарды тазалоо жана оңдоо иштери жүрүүдө.
ОШ, 4-май — Sputnik. Конституция күнүнө карата Ош шаарындагы фонтандар иштей баштарын шаарды көрктөндүрүү комбинатынын жетекчиси Айгүл Наватова билдирди.
Ал учурда фонтандарды тазалоо жана оңдоо иштери жүрүп жатат
Ал учурда фонтандарды тазалоо жана оңдоо иштери жүрүп жатканын кошумчалады.
"Ош шаарында беш чоң фонтан бар. Аны 1-майда иштетүүнү пландаганбыз, бирок техникалык мүчүлүштүктөрдөн улам кийинкиге калтырылган. Кечээ шаарда катуу жаан жааган. Андыктан фонтандарды Конституция күнүнө карата иштетүү каралган", — деди ал.
Ош шаарында чоң фонтандар Ленин көчөсүндөгү Навои паркынын жанында, "Жаштар багы" паркында, "Алымбек Датка" этнокомплексинде жана "Каныкей" монументинин жанында жайгашкан.
