БИШКЕК, 5-май — Sputnik. ФСБ Москвада жардыруу даярдаган 12 адамды Ясенево районундагы үйлөрдүн биринен кармагандыгын билдирген life.ru сайты алардын бирөө Кыргызстандын жараны экендигин кабарлады. Ал эми ИИМдин Москвадагы өкүлү андай маалымат түшө электигин айтты.
Кыргызстандын Ички иштер министрлигинин Москвадагы расмий өкүлү Аскат Алиев бул бул боюнча тастыкталган маалымат бериле электигин Sputnik Кыргызстанга маалымдады.
"ФСБдан террочулукка шектелген кыргызстандык жаран туурасында кабардар кыла элек. Адатта мындай жагдайда маалымат иликтөөнүн кызыкчылыгы үчүн коомчулукка ачык айтылбайт",— деп айтты Алиев.
Аталган сайт Ясенево районундагы Новоясеневск проспектисиндеги кармалгандардын экөөсүнүн телефонунан Сирия менен Түркиядагы согушкерлер менен кат жазышкандыгы белгилүү болгон. Анда эл көп чогулган жерлерге чабуул коюла тургандыгы туурасында жазылган.
"Кармалгандардын басымдуу бөлүгү Өзбекстандын, экөө Россиянын жана бирөө Кыргызстандын жараны болгон",— деп билдирген тартип коргоо органындагы булак.
Маалыматтарда алар Россия аймагында мыйзамдуу жүрүп, каттоосу да болгондугу айтылат. Ал эми жардырууларды түздөн-түз даярдоочу катары Россиянын Элердин жана Анваржан аттуу жарандары кармалган.
