БИШКЕК, 9-фев. — Sputnik. Екатеринбург соту дүйшөмбү күнү "Ислам мамлекети" террордук топтун мүчөлөрү болгон Борбор Азия өлкөлөрүнүн жарандарын камакка алды деп билдирген РИА Новости агенттигине укук коргоо органдарындагы булак.
"Ооба, алар камакка алынып, иликтөө иштери башталды", — деп билдирди агенттикке маалымат берген адам.
Буга чейин ФСБнын коомчулук менен байланыш бөлүмү аталган кызмат Екатеринбург шаарында "Ислам мамлекетине" кирген, уюшулган топтун жети мүчөсү кармалгандыгын билдирген. Колго түшкөндөрдүн арасында Россия менен Борбор Азия жарандары бар. Алар Россиянын Москва, Санкт-Петербург шаарларында жана Уралда жардыруу жасоону пландашкан.
ФСБдан кылмыштуу топту Түркиядан келген террорчу жетектегенин билдиришти. Маалыматтарга караганда, жардыруу жасагандан кийин согушкерлердин Сирияга аттануу планы болгон.
Кармалгандарга РФтин Кылмыш жаза кодексинин "Террордук акты", "Куралды мыйзамсыз айлантуу" жана "Жарылуучу заттарды мыйзамсыз сактоо" беренелери боюнча кылмыш иши козголду.
