Мелдештин максаты — ушу спорту боюнча эң мыкты спортчуларды аныктап, 10-14-майда Москва шаарында өтө турчу Европанын II Чемпионатына Кыргызстандын улуттук курама командасын түзүү.
Бишкекте өтүп жаткан мелдешке борбор калаадагы спортчулардан тышкары Чүй, Ысык-Көл, Ош, Жалал-Абад жана Нарын облустарынан келишти.
Алар салттуу ушунун түрдүү алты стили боюнча күч сынашууда. Алар: шаолинь цюань, тайцзи цюань, сунси нэйцзя цюань, винчунь, нань цюань, дуйлянь.
Спортчулар ошондой эле, кылыч, тыяк, найза менен өз өнөрлөрүн көрсөтүп жатат.
Таймаштын аягында, жеңүүчүлөр баалуу сыйлыктар менен сыйланат.
