БИШКЕК, 24-мар. — Sputnik. Үстүбүздөгү жылдын 14-15-май күндөрү Ош шаарында ири этнофестиваль өтө турганын Тарых жана маданият жылын даярдоо жана өткөрүү боюнча мамлекеттик дирекциянын катчылыгы билдирди.
Фестивалда түштүк облустардан келген катышуучулар өз өнөрлөрүн тартуулашмакчы. Иш-чаранын башкы бөлүгү борбордук аянтында өтүп, ал жакта этника багытындагы музыкалык топтор концерти өтөт.
24 Жалган Куран 2016, 09:21
Мындан тышкары, белгилүү модельерлердин эмгектери көрсөтүлөт. Токтогул Сатылганов атындагы паркта улуттук ашкана тартууланып, анда Кыргызстандын аймагында жашаган улуттардын даамы тартууланат.
Уюштуруучулардын айтымында, фестивалга келген меймандар кыргыз маданияты менен кеңири тааныша алат. Иш-чара борбордук аянттагы эстрада жылдыздарын концерти менен жыйынтыкталат.
Ушундай эле иш-чара июнь айында Бишкек шаарында өтөт.
