БИШКЕК, 24-мар. — Sputnik. Кыргыз эл жазуучусу Чыңгыз Айтматовдун чыгармасынын негизинде тартылган Төлөмүш Океевдин "Ак илбирстин тукуму" тасмасы англис тилиндеги субтитрлер менен тартууланат. Бул тууралуу Кинематография департаменти билдирди.
Маалыматка ылайык, иш-чара аталган тасманын 30 жылдыгына арналып, улуттук фильмдерди чет жактарга таанытууну максат кылат. Кожожаш мерген тууралуу тасма 1986-жылы биринчи жолу экранга чыккан.
Тасманы субтитрлөө жана нускасын көбөйтүү Төлөмүш Океев атындагы фонддун демилгеси менен "Кыргызфильмдин" базасында өкмөт аппаратынын колдоосу менен ишке ашты.
