Алдыдагы төрт күндө Кыргызстанда үшүк жүрөт

Жазылуу
Мындай аба ырайы бүчүр байлаган жана гүлдөгөн мөмө бактарга коркунуч алып келет.

БИШКЕК, 15-мар. — Sputnik. 16-19-мартта түндө Чүй, Талас, Баткен облустарынын дыйканчылык аймактарында жана Ош, Жалал-Абад облустарынын тоо этектеринде үшүк жүрүшү мүмкүн. Бул тууралуу Кыргызгидромет билдирди.

Бул күндөрү Нарын, Ысык-Көл облустарында да түнкүсүн аба ырайы нөл градустан төмөн болот.

Маалыматка ылайык, белгиленген даталарда аба ырайы кескин төмөндөйт. Өлкөнүн тоолуу аймактарында 2…7 градус суук болот. 

Бишкек шаарынын ТЭЦи. Архив - Sputnik Кыргызстан
Сариев: Кышында жарык өчпөсүн деп Бишкек ТЭЦине күнүнө 8 миң тонна көмүр жагылды
Мындай аба ырайы бүчүр байлаган жана гүлдөгөн мөмө бактарга коркунуч алып келет. Ошондой эле, айыл чарба иштерин, автоунаа, энергетика жана коммуналдык кызматтардын ишин жана кыштоо жайыттарда малды кармоону кыйындатат. 

Андан сырткары Бишкек — Ош (121-137, 198-265 чакырымдары) авто унаа жолунда кар көчкү түшүп, кар күрткүсү сакталат. Андыктан унаалардын ортосундагы 500 метр аралык кыймыл сакталышы керек.

Кээ бир райондордо батыштан соккон шамалдын ылдамдыгы секундасына 15-20 метрге чейин жетиши мүмкүндүгүн Кыргызгидромет эскертет.

Буга чейин март айынын ортосунда аба ырайы кескин өзгөрөрү маалымдалган болчу.

Жаңылыктар түрмөгү
0