БИШКЕК, 15-мар. — Sputnik. Бүгүн "Ак-Кула" ат майданында Нооруз майрамына карата уюштурулуп жаткан көк бөрү боюнча турнирдин чейрек финалга чыгуу оюндары башталды. Бул тууралуу Көк бөрү федерациясынын маалымат кызматы билдирди.
Аталган турнирде 16 команда күч сынашууда.
Мелдеш олимпиада системасы менен өтүп, жеңилүү ызасын таткандар жарыштан ыргып кетет.
15-16-март күндөрү турнирдин 1/8 финалы өтүп жатат. Ал эми мелдештин финалдык бөлүгү 21-март Нооруз майрамында өтөт.
Борбордук "Ак-Кула" командасы турнирден баш тартып, анын ордуна сокулуктун "Төш-Булак" командасы ат салышат.
