БИШКЕК, 15-мар. — Sputnik. 1-апрелден тарта литий-иондук аккумуляторлорду учактардын жүк салуучу бөлүгүндө ташууга тыюу салынаарын "Манас" эл аралык аэропортунун маалымат кызматы кабарлайт.
5 Бирдин айы 2016, 08:58
Транспорт жана коммуникация министрлигинин алдындагы Жарандык авиация агенттиги Эл аралык жарандык авиация агенттигинин (ИКАО) чечимине ылайык, 2016-жылдын 1-апрелинен тарта литий-иондук аккумуляторлорун учактардын жүк салуучу бөлүгүндө ташууга тыюу салынаарын билдирет.
Бул тыюу салуу учактардын жүк салуучу бөлүгүнө гана тиешелүү болот. Эгерде литий-иондук батареясы ноутбук, уюлдук телефон жана башка заряддоочу түзүлүштүн курамында болсо, каалаган жаран алып өтүүгө укуктуу.
ИКАОнун билдиришинче, литий-ион элементтери өрт чыгуу коркунучун жараткандыгына байланыштуу ушундай чечим кабыл алынган.
Бул чечим ИКАОго кирген 191 өлкөгө, анын ичинде Кыргызстанга да тиешелүү.
