БИШКЕК, 5-фев. — Sputnik. Өлкөдөгү аэропорт менен унаа бекеттердеги көзөмөл күчөтүлөөрү тууралуу Транспорт жана коммуникация министрлигинин маалымат кызматы билдирди.
Мындай иш аракеттер терроризмди алдын алууга багытталган. Сырткы көзөмөлдөн сырткары радикалдык маанайдагы веб-сайттардын жабылаары маалыматта белгиленет.
Транспорт министрлиги кызматкерлерге аэропорттордо, унаа бекеттерде шектүү адамдар же жабдуулар байкалса, тез арада тиешелүү чараларды көрүү боюнча түшүндүрүү иштерин жүргүздү. Анда документтерди текшерүү, унаалар менен тоннелдерге катуу байкоо жүргүзүү айтылган.
