Премьер-министр "Маданият-тарых-тил" телеканалын ачты

Жазылуу
Кыргызстандагы санарип телеберүүнүн социалдык пакетине жаңы "Маданият-тарых-тил" каналы кирди. Аталган канал буга чейин иштеп келген "Маданият" каналынын базасында түзүлдү.

1-мартта премьер-министр Темир Сариев "Маданият-тарых-тил" каналынын ачылыш аземине катышты.

Сариев аталган каналдын ачылышы быйылкы "Тарых жана маданият жылында" жана улуттук маданият менен искусствону сактоо, өнүктүрүү үчүн маанилүү окуя экенин белгиледи

"Бул канал элибиздин көкүрөгүн агарта турган, руханий асыл дөөлөттөрдү, баалуулуктарды элге жеткире турган канал болот деген үмүттөмүн. Мындай каналга көрүүчүлөр көп жылдан бери суусап келген", — деди ал.

Премьер-министр акыркы жылдары өкмөт маданият тармагына көңүл бурууну күчөтүп жатканын белгиледи. Анын алкагында өлкөдөгү бир катар маданий жайларды оңдоого жана материалдык-техникалык базасын чыңдоого каражаттар бөлүнгөнүн маалымдады.

Жаңылыктар түрмөгү
0