БИШКЕК, 10-фев. — Sputnik. Кыргызстандын Согуш жана ооруктун, куралдуу күчтөрдүн, укук коргоо органдарынын ардагерлер уюмунун төрагасы Тарас Токомбаев дүйнө салганын уюмдун өкүлү Качкын Саргазаков билдирди.
Ал маркумдун сөөгү атасы Аалы Токомбаевдин музейинен эртең, 11-февралда алынып чыгып, Ала-Арча көрүстөнүнө саат 11де коюларын маалымдады.
Тарас Токомбаев 1930-жылы 5-июлда Москва шаарында төрөлгөн.
Кыргыз-татар достук жана шериктештик уюмунун президенти Хабибулла Газиев эки күн мурда Тарас Токомбаев менен кезиккенин айтты.
"Тарас Алиевич менен 23-февралга пландалган согуштун ардагерлери менен мектеп окуучуларынын жолугушуусу тууралуу сүйлөшкөн элек", — деди Газиев.
Тарас Токомбаев, залкар акын Аалы Токомбаевдин уулу болчу.
