БИШКЕК, 9-фев. — Sputnik. Кыргызстандын чемпиону "Алай" футболдук клубу Ливандык "Триполи" клубунан жеңилүү ызасын татып, Азия футбол конфедерациясынын тайпалык турнирине чыкпай калды.
5 Бирдин айы 2016, 20:03
Бүгүн клубтар аралык футбол боюнча АФКнын тандоо турунда Кыргызстандын чемпону "Алай" менен Ливандык "Триполи" беттешти. Жеңүүчү тарап тайпалык баскычка жолдомо алат.
Беттештин негизги жана кошумча бөлүктөрү 0:0 эсебинде аяктады. Ливандыктар биринчи таймдагы пенальтини колдоно алышкан жок. Оюн пенальти тебүү менен аяктады.
Кыргызстандыктар акыркы мүмкүнчүлүктү колдон учурушуп, пенальти тебүүнү 7:6 эсебинде уттурушту.
Оштун "Алай" футболдук клубу алгачкы жолу АФКнын тайпалык турнирине 2013 жылы чыгып, Палестинынын "Аль-Дахрию" клубун утуп алышкан. Тилекке каршы андан ары сапары уланган эмес.
