БИШКЕК, 5-фев. — Sputnik. Футзал боюнча Кыргызстандын курама командасы Россия Суперлигасынын чемпиону "Дина" клубунан жеңилип калды. Бул тууралуу Футбол федерациясы билдирди.
Россиялык команда машыгуу оюндарда Кыргызстанды 7:1 эсеби менен утуп алды.
Учурда улуттук курама команда Москвада окуу жана машыгуу оюндарын өткөрүп, футзал боюнча Азия чемпионатына даярдык көрүп жатат. Турнир 10-21-февраль күндөрү Ташкентте өтөт.
Кыргызстандын курама командасы "А" тайпасында Ливан, Сауд Аравия жана Өзбекстан оюнчулары менен беттешмекчи.
