БИШКЕК, 1-фев. — Sputnik. Адам баласы тамак менен сүйүктүүсүн тандап жатканда бирдей психологиялык механизмдерин иштете турганын Сан-Диегодо өткөн социалдык психология коомунун жолугушуусунда окумуштуулар жарыялады деп жазат РИА Новости.
Мындай жыйынтыкка Ратгерсов университетинин окумуштуусу Кристина Дюрант жана Техас университетинин илимпозу Люси Хант өз алдынча изилдөөнүн жыйынтыгында келишкен.
Хант адамдар таанышып жаткандагы чөйрө сүйүктүүсүн тандоого таасир берерине көз салган. Бул үчүн психолог ыктыярдуу топко бейтааныш адамдардын сүрөттөрүн көрсөтүп, андан соң жаңы таанышууларды дыкат карап чыккан.
Изилдөөлөрдүн жыйынтыгында дагы бир кызыктуу маалымат чыккан. Өспүрүм кезинде көп мамиле курган адамдар бойго жеткенде өмүрлүк жарын кылдат тандаса, жаш кезде "тынч" жүргөндөр убактысы келгенде тобокелге көп барышары белгилүү болгон.
Окумуштуу айымдар киши тамак менен сүйүктүүсүн тандоодо мээсиндеги нейрондордун чынжырчасы бирдей кыймылга келерин аныктап чыгышкан.
