Өкмөттүн Нарын облусундагы өкүлчүлүгүнүн маалыматында митингге 400дүн тегерегинде, ал эми уюштуруучулардын айтымында 1000ге чукул адам катышты.
Нарын шаарынын тургуну Асангазы Ибраимовдун айтымында, өкмөт бийик тоолуу аймактын жашоочуларынын айлык акысына кошулуучу 50 пайыздык каражатты албай турган болду, бирок, анысына эл ынанбай турат.
"Башында жеңилдиктерди алабыз деп чыгышкан, эми өкмөт чакыртып алды. Төрт депутат өткөрбөйбүз дегени менен алардын ошого мүмкүнчүлүгү жетеби же жетпейби деген күмөн саноолорубуз бар. Ал эми электр кубатына болгон тариф 2,16 сомго чейин жеткенден кийин, өкмөт эми 1000 сом эмес 1500 сомдон компенсация төлөшү керек", — деди Ибраимов.
Тоолуу шартта жана алыскы аймактарда иштеген жарандарга кошумча акы төлөөнү алып салуу боюнча мыйзам долбоору сунуштаган мыйзам долбоору парламенткен сунушталган. Өкмөт документте туура эмес анализ жасалгандыгын айтып, аны чакыртып алган.
