БИШКЕК, 2-дек. — Sputnik. Кыргызстан маалыматтык-коммуникациялык технологияны (МКТ) өнүктүрүү жаатында секирип жасап, акыркы 15 жылда рейтингдин 15 сабына өйдө көтөрүлгөнүн Эл аралык электр байланыш союзунун изилдөөсү аныктап чыкты.
Акыркы беш жыл ичинде Кыргызстан 97-орунга чыккан.
Изилдөөдө 2010-жылы Кыргызстан 112 катарды ээлеп турганы маалымдалган, ал эми акыркы беш жылда өнүгүү индекси 3,02ден 4,62ге чейин өсүп, дүйнөлүк рейтингде 15 орунга жогорулоого өбөлгө болгон. Бул мобилдүү интернет пайдалануучулардын санынын өсүшү жана эл аралык интернет-трафик болгон жеткиликтүүлүктүн деңгээлинин жогорулашына байланышкан.
Буга карабастан, учурда 4 миллиардга чукул адам интернетсиз жашап келет.
Рейтингдин биринчи сабын мурункудай эле Корея Республикасы ээлеп турат. Өнүгүү индекси бул мамлекетте 8,68төн 8,93кө чейин өскөн.
Мындан тышкары, рейтингдин алдыңкы ондугуна 2015-жылы Европанын сегиз (Дания, Исландия, Улуу Британия, Швеция, Люксембург, Швейцария, Нидерланд жана Норвегия) жана Азиянын бир өлкөсү (Гонконг, Кытай) кирген.
Мурунку Советтер Союзунун айдыңында алдыңкы орунда Белоруссия (36-орун), андан кийин Россия (45-орун) жана Казакстан (58-орун) турат.
