БИШКЕК, 17-ноя. — Sputnik. 162 мамлекеттин ичинен Терроризм боюнча глобалдык рейтингде Кыргызстан 86-орунду ээледи. Рейтинг Лондондогу экономика жана тынчтык үчүн институту тарабынан түзүлгөн.
Иликтөөгө ылайык, 162 мамлекетте дүйнөдөгү калктын 99,6 пайызы жашайт. Былтыр эле согушкерлердин колунан 32 658 киши каза болгон. Докладдын авторлору бул көрсөткүч XXI кылымдын башындагыга салыштырмалуу тогуз эсе көп экенин белгилешет. 2000-жылдардын башында согушкерлердин аракеттеринен 3 329 киши өлгөн.
Коңшу мамлекеттер да Кыргызстанга куйрук улаш орун алган. Мисалы: Казакстан 83-орунда, Тажикстан 84-орунда турса, Түркмөнстан менен Өзбекстан 124-орунду ээлеген.
Террордук аракеттер башкаларга салыштырмалуу Индия, Йемен, Сомали, Ливия жана Таиланд мамлекеттеринде көп байкалууда. Каза болгон жарандардын 78 пайызы дал ушул мамлекеттерге туура келет.
Изилдөөгө ылайык, 2013-жылдан 2014-жылга чейин согушкерлердин колунан каза болгондордун саны 80 пайызга көбөйгөн.
