Турганбаев: Кыргызстанда эл аралык терроризмге каршы күрөш күчөтүлдү

© Sputnik / Табылды КадырбековИИМ жетекчиси Мелис Турганбаев. Архив
ИИМ жетекчиси Мелис Турганбаев. Архив - Sputnik Кыргызстан
Жазылуу
Министр аткарылган иш-чараларга карабастан, диний экстремизмге байланыштуу жасалган кылмыштардын саны көбөйүп жатканын белгиледи.

БИШКЕК, 16-ноя. — Sputnik. Акыркы беш жылдын ичинде экстремисттик багыттагы 1426 кылмыш аныкталганын ИИМ жетекчиси Мелис Турганбаев терроризмге каршы күрөшкө арналган жыйында билдирди.

Анын айтымында, терроризмге каршы күрөштү, өзгөчө эл аралык деңгээлде күчөтүү зарыл. Министр көрүлгөн аракеттерге карабастан, Кыргызстанда аталган маселе курч бойдон турганын белгиледи. 

"Буга эл аралык терроризмдин өнүгүшү менен пайда болгон тышкы фактор менен бирге ички фактор да таасирин тийгизип жатат. Террордук көрүнүштөргө бөгөт коюу менен бирге анын алдын алууга да айрыкча көңүл буруу керек", — деди Турганбаев. 

Россиянын президенти Владимир Путин. Архив - Sputnik Кыргызстан
Путин: терроризм коркунучун биргелешкен аракеттер менен гана жеңсе болот
Бүгүнкү күндө министрдин тапшырмасы менен өлкө аймагындагы бардык стратегиялык объектилер, базарлар, темир жолдору, автобекеттердеги көзөмөл күчөтүлүп, милиция кызматкерлери терроризм менен диний экстремизмди аныктоо боюнча калк менен тыгыз иштеп жатышат. 

Турганбаев радикалдык кыймылдар менен күрөшүүдө орчундуу маанигее ээ болгон диний кызматкерлердин квалификациясын жогорулатуу, радикализм менен күрөшүүдө маалымат каражаттарынын маанисин күчөтүү боюнча тапшырмалар берилди. 

Жаңылыктар түрмөгү
0