Sputnik Кыргызстан партиялардын шайлоо алдындагы дебаттарын түз алып көрсөтөт

© Илим КарыпбековКТРК готовит для зрителей сюрпризы в дебатах партий в прямом эфире
КТРК готовит для зрителей сюрпризы в дебатах партий в прямом эфире - Sputnik Кыргызстан
Жазылуу
Sputnik Кыргызстан өлкөдөгү актуалдуу окуялар жөнүндө маалыматтардын жеткиликтүүлүгүн жогорулатуу жана көрүүчүлөрдүн санын көбөйтүү үчүн КТРКнын берүүлөрүн алып көрсөтөт.

БИШКЕК, 23-сентябрь. Sputnik агенттигинин маалымат кызматы. Кыргызстандын тарыхында Жогорку Кеңешке депутаттыкка талапкерлердин шайлоо алдындагы дебаттарын биринчи жолу мамлекеттик каналдар эле эмес, Интернет аркылуу, Sputnik Кыргызстан эл аралык маалымат агенттиги жана радиосунун сайтынан да көрүүгө болот. 

Вице-премьер-министр Маматалиев Абдырахман. Архив - Sputnik Кыргызстан
Маматалиев: шайлоо учурунда мыйзамсыз аракеттерге кескин чаралар көрүлөт
25-сентябрдан 29-сентябрга чейин бардык каалоочулар 14 саясий партиянын талапкерлеринин айткандарын www.sputnik.kg жана www.ru.sputnik.kg сайттарынан Бишкек убактысы боюнча кечки саат 7:50дөн 9:35ке дейре көрүп, баалай алышат.

Буга чейин КТРКнын башкы директору Илим Карыпбеков саясий партиялардын теледебаттарына толтура сюрприз даярдалып жатканын Sputnik агенттигине билдирген эле. Sputnik Кыргызстан эл аралык маалымат агенттиги жана радиосу өлкөдөгү актуалдуу окуялар жөнүндө маалыматтардын жеткиликтүүлүгүн жогорулатуу жана көрүүчүлөрдүн санын көбөйтүү үчүн КТРК мамлекеттик телеканалынын берүүлөрүн алып көрсөтөт.

"Алдыдагы парламенттик шайлоо эч бир бурмалоого жол бербей турган жаңы технологиялардын жардамы менен өтөт. Бул Кыргызстан үчүн чоң окуя жана чоң сынак. Шайлоочулардын активдүү катышуусу талап кылынат. Ошондуктан быйылкы жылы Sputnik Кыргызстан эл аралык маалымат агенттиги жана радиосунун аркасы менен маалымат берүү чегин кеңейтүү боюнча жакшы мүмкүнчүлүк пайда болду. Бул жарандардын саясий партияларга татыктуу баа берүүсүнө шарт түзөт", — деп белгиледи КРдин биринчи вице-премьер-министри Тайырбек Сарпашев. 

Андан сырткары, саясий партиялардын теледебаттары мамлекеттик радиодон да уктурулат.

Sputnik — ондогон өлкөлөрдө мультимедиялык маалыматтык хабдарга ээ маалымат агенттиги болуп саналат. Sputnik өзүнө сайттарды, аналогдук жана санарип радиоберүүнү, мобилдүү тиркемелерди жана социалдык тармактарда баракчаларды камтыйт. Атайын жазылгандар үчүн Sputnik күнү-түнү англис, араб, испан жана кытай сыяктуу 35 тилде маалыматтарды таратат.

Партиялар үчүн эфирдик убакыттын бөлүштүрүлүшү тууралуу Sputnik инфографикасында көрүңүз>> 

Жаңылыктар түрмөгү
0