БИШКЕК, 21-сен. – Sputnik. Гемодиализге өтө муктаж он адамдын аппаратка кошулуусу үчүн өкмөт кошумча эки миллион сом бөлө турганын вице-премьер Дамира Ниязалиева билдирди.
Маалыматка ылайык, вице-премьер гемодиализ алган оорулуулардын туугандары менен жолугушууда керектүү аппарат зарыл бейтаптарды Саламаттык сактоо минситрлигининин алдындагы жумушчу комиссия оорулуулардын катышуусу менен тандап аларын белгиледи.
"Эмки жылга гемодиализ үчүн 225 миллион сом каралган. Муну менен бюджет 60 миллион сомго көбөйтүлүп жатат", — деди чиновник.
Үстүбүздөгү жылдын май айында өкмөт тарабынан 27 адамдын бюджеттик негизде гемодиализ алуусу үчүн 30 миллион сом бөлүнгөн.
Мындан тышкары, Түркия менен болгон келишимдин негизинде 30 адам бөйрөгүн алмаштыруу боюнча операцияга чакыруу алган. Акыркы мааламыттарга ылайык, учурда 10 бейтапка операция жасалды.
