БИШКЕК, 1-авг. — Sputnik. Кувейттин кайрымдуулук уюму Кыргызстандын ооруканалары үчүн гуманитардык жардам берди. Бул туурасында ТИМдин маалымат кызматы Кыргызстандын Азербайжандагы элчилигине таянуу менен билдирди.
Кайрымдуулук уюму Кувейт өкмөтүнүн атынан берген 17 тоннадан ашык медициналык жабдуулар гуманитардык жардам иретинде Кыргызстандын ооруканалары менен клиникаларына берилет.
Аталган жүк азырынча Азербайжандын Гейдар Алиев атындагы эл аралык аэропортунда турат. Аны Кыргызстанга алып келүү боюнча сүйлөшүүлөр жүрүүдө.
