БИШКЕК, 16-сен — Sputnik. Энеси ичип алып унутуп калган бөбөктү балдар үйүнө жайгаштырышты деп билдирди Sputnik маалымат агенттигине Свердлов райондук ИИБден.
Буга чейин энеси ичип алып, эки жашар баласын жоготуп жибергендигин шаардык милиция билдирген эле.
Ведомстводон материалдарды жашы жете электердин инспекциясы Свердлов райондук администрациясынын балдар боюнча комиссиясына бергендигин билдиришти. Учурда эки жашар бөбөк Бишкек шаарындагы балдар үйүндө жашап жатат. Укук коргоо органдарынын билдиргенине караганда, комиссия эртең аялды энелик укугунан ажыратуу же ажыратпоо маселесин карайт. Мындан кийин, комиссия ишти жарандык тартипте кароо үчүн сотко өткөрөт.
Милициядан аларды ата-энелик укуктан ажыратса, бөбөктү балдар үйүнө бериши мүмкүндүгүн билдиришти.
Маалыматтарга караганда, бөбөктүн 32 жаштагы энеси "Бейбаштык" боюнча соттолгон. Учурда экинчи күйөөсү менен жашап жатат. Ал төрт баланын энеси, азыр үч айлык боюнда бар.
