БИШКЕК, 8-сен. — Sputnik. Таксисттер патент алууга милдеттендирилиши мүмкүндүгү тууралуу маалымат өкмөттүн расмий сайтына жайгаштырылды.
Экономика министрлиги жол кыймыл эрежесине өзгөртүүлөрдү киргизүү боюнча мыйзам долбоорун коомдук талкууга алып чыкты.
Учурдагы эрежеге ылайык, унаа ээси инспекторлорго айдоочулук күбөлүгүн, каттоо документтерин, унаа салыгы төлөнгөндүгүн же салыктан бошотулгандыгын тастыктоочу документин көрсөтүшү керек.
Жаңы эрежеге бир пункт кошулуп, анда жүргүнчүлөрдү же жүк ташуу менен алектенген айдоочулар жеке ишкер катары катталгандыгы тууралуу күбөлүгүн же патентин көрсөтүүсү каралган.
