Эркти бекемдеген кырсык. Эки колунан ажырагандан кийинки Саматтын өмүрү

Жазылуу
НовостиTelegram
Кырсыкка кабылып, эки колунан ажыраган Самат учурда эл ташып, кошумча акча табат. Алты жыл мурда Жал айылында мектепте окуп жүргөн мезгилде ачык калган трансформатордун жанынан кайгылуу окуяга туш болгон. Аны кесепетинен, баланын колдору катуу күйүп калган.

Майып коляскасы. Архив - Sputnik Кыргызстан
Майыптардын укугун бузгандар администрациялык жоопко тартылат
2009-жылдын сентябрында Чүй облусунун Жал айылында жашаган Самат Асылбек уулу мектептен кайтып келе жатканда, жолдон ачык калган трансформатордун будкасына кантип жакындап кеткенин билбей калган. 14 жашар окуучу ооруканада эсине келген. Катуу күйүктөн улам, дарыгерлер өспүрүмдүн эки колун тең кесип салууга аргасыз болушкан. 

Беш жыл өткөндөн кийин Жогорку сот күнөөлүү тарап балага 500 миң сом компенсация бөлүп берүүсү боюнча чечим чыгарган. Кырсыктуу трансформатор балансында турган "Түндүк электро" ачык акционердик коому Саматка айына 10 миң сомдон пенсия чектеп бере тургандыгын ал өзү билдирди.

Жыйырмага чыккан Самат учурда Кыргыз улуттук университетинде лингвисттик кесипке окуп жатат. Ал апасынан "дайыма акча сурай бербеш үчүн" бош убактысында машинасы менен эл ташып акча табат. 

 

Жаңылыктар түрмөгү
0