БИШКЕК, 24-авг. — Sputnik. Баткен облусунун 85 жылдан бери таза сууга муктаж Булак-Башы айылына суу түтүгү курулуп, сегиз кудук орнотулганын ПРООНдун өкүлү Жанна Хусаинова билдирди.
Маалыматка ылайык, суу түтүгүнүн узундугу 2500 метрге жетет. Курулуш иштери Кулунду айыл өкмөтү, БУУнун качкындар боюнча башкармалыгы жана "Эл аралык толеранттуулук үчүн" коомдук фондунун каржылоосу менен ишке ашкан. Жалпы жонунан 1,4 миллион сомдук иш жасалган.
Суу түтүгүн курууга жергиликтүү тургундар да активдүү катышып, айылды ичүүчү суу менен камсыз кылууга өз салымдарын кошту.
