Муздаткыч менен телевизорду насыяга алуу 8 пайызга кымбаттады

Жазылуу
Июнь айында банктар керектөөчү насыяларды 30-35 пайыз менен беришкен.

БИШКЕК, 24-авг. — Sputnik. Бир жылда сом менен берилген турмуш-тиричилик буюмдары үчүн каралган насыялар сегиз пайызга кымбаттаганы Улуттук банктын отчетунда айтылат.

Кредит компаниясы. Архив - Sputnik Кыргызстан
Адис: кредиттик компаниялар ишсиз калып, соттордо насыя боюнча доо процесстери арбыды
Маалыматка ылайык, июнь айынын аягында коммерциялык банктар телевизор менен муздаткычтарды насыяга алууда аны 30-35 пайыз менен берген.

Ошондой эле, курулуш тармагына берилген насыялар да кымбаттаган. Эгер бир жыл мурда сом менен берилген насыялардын пайызы 22 болгон болсо, азыр коммерциялык банктар курулуш үчүн насыяны 30 пайыз менен берүүдө.

Ипотека да эки пайызга жогорулаган. Эми турак-жайды насыяга алам дегендер, 21 пайыз менен ала алышат. Соода-сатык менен алектене тургандарга коммерциялык банктар насыяны 24 пайыз менен берүүдө.

Ал эми доллар менен берилчү насыялар 0,4 пайызга арзандаган. Ипотеканы доллар менен алсаңыз, 17 пайыз менен берилүүдө, турмуш-тиричилик буюмдары үчүн 20 пайыз, курулуш үчүн 13 пайыз жана соода-сатык үчүн 15 пайыз менен берилүүдө.

Жаңылыктар түрмөгү
0
Алгач жаңыларыАлгач эскилери
loader