14:48 25 Бирдин айы 2020
Түз эфир
  • USD69.8500
  • EUR75.6266
  • RUB1.0863
Дүйнөдө
Кыскача шилтеме алуу
231 0 0

АКШнын өрт өчүрүү кызматынын жетекчиси кол алдындагылардын жоругун акылга сыйбаган көрүнүш катары сыпаттаган.

БИШКЕК, 4-янв. — Sputnik. Американын Детройт шаарынын өрт өчүрүүчүлөрү үй өрттөнүп жатканда чогулуп алып сүрөткө түшкөнү үчүн дисциплинардык жазага тартылышы ыктымал.

CNN телеканалынын маалыматына ылайык, окуя 1-январга караган түнү болгон. Өрт өчүрүүчүлөрдүн чогуу түшкөн сүрөтү интернетке жарыяланган. Сыягы алар мындай "жоругу" менен пенсияга чыгып жаткан жетекчисин куттуктагылары келгени айтылды.

Өрт өчүрүү кызматынын жетекчиси Эрик Жонс кол алдындагылардын жоругун акылга сыйбаган көрүнүш деп сыпаттаган.

"Пенсияга чыккан адамды башкача жол менен деле куттуктаса болот да. Үй өрттөнүп жатса, анын так тушуна туруп сүрөткө түшүү акылга сыйбаган нерсе", — деген Жонс.

Өрт өчүрүү кызматы бул иш боюнча алгач иликтөөсүн жүргүзөт. Сүрөткө түшкөндөр дисциплинардык жазага тартылышы ыктымал.

Бул сүрөттү Facebook колдонуучулары дагы сынга алган, андан соң фото өчүрүлгөн.

Тема боюнча

Жалындап күйгөн автоунаа башкаларын сүздү. Видео
Белгилер:
сын, жаза, өрт, Сүрөт, АКШ

ЭҢ МААНИЛҮҮ