10:07 26 Баш оона 2019
Түз эфир
  • USD69.7882
  • EUR77.2311
  • RUB1.0638
Унаа. Архивдик сүрөт

Өз унаасы жок өкмөт мүчөлөрүнүн тизмеси. Алардын катарында транспорт министри бар

© Sputnik / Рамиль Ситдиков
Коом
Кыскача шилтеме алуу
994 0 0

Тизменин сап башында өкмөт башчы Мухаммедкалый Абылгазиев турат.

БИШКЕК, 9-дек. — Sputnik. Өкмөт мүчөлөрүнүн көбү өзүнүн унаасы жоктугун билдиришкен. Бул тууралуу алардын 2017-жылдагы киреше, чыгаша жана мүлк боюнча декларациясында жазылган.

Өкмөттүн алмашканына, андан сырткары, кээ бир аткаминерлерге тиешелүү окуялардан улам былтыр өкмөт мүчөсү болуп жүргөндөр кызматынан кол жууган. Башка маселе — жаңы дайындалган министрлердин көбү же декларациясын тапшыра элек, же анысы азырынча жарыялана элек. Мындан сырткары, мамлекеттик төрт комитеттин жетекчисинин киреше-чыгашасы боюнча маалымат көрсөтүлгөн эмес. Айтор, Мамлекеттик салык кызматынын сайтында жети гана министрдин декларациясы жайгаштырылган.

Ага ылайык, унаасы жок өкмөт мүчөлөрүнүн тизмеси төмөнкүдөй:

— премьер-министр Мухаммедкалый Абылгазиев (2017-жылы биринчи вице-премьер жана президенттин аппаратынын башчысынын биринчи орун басары болчу);

— биринчи-вице-премьер Кубатбек Боронов (ӨКМ жетекчиси);

— вице-премьер Алтынай Өмүрбекова (Жогорку Кеңештин депутаты);

— айыл чарба, тамак-аш өнөр жайы жана мелиорация министри Нурбек Мурашев;

— транспорт жана жолдор министри Жамшитбек Калилов;

— билим берүү жана илим министри Гүлмира Кудайбердиева.

Декларациясы жарыяланган менен бул тизменин ичинде экономика министри Олег Панкратов (вице-премьер) жок. Анын 2003-жылы чыккан Toyota Harrier үлгүсүндөгү унаасы бар.

Жакында эле өкмөт мүчөлөрүнүн бири, транспорт жана жолдор министринин орун басары Азимкан Жусубалиев 50 миң доллар пара алып жаткан жеринен колго түшкөн

Тема боюнча

Арак ичүү жана соодалашуу. Министрдин орун басарын колго түшүргөн видео
Башкы прокуратура байлыгын жашырган дипломаттар менен прокурорлорду аныктады
Жогорку Кеңештин эң бай жана эң кедей депутаттары. Рейтинг
Атамбаевдин үзөңгүлөштөрү былтыр канча акча тапкан
Белгилер:
унаа, министр, декларация, өкмөт

ЭҢ МААНИЛҮҮ