БИШКЕК, 12-ноя. — Sputnik. Кыргызстандын айрым соттору киреше жана чыгаша тууралуу декларациясында туура эмес маалыматтарды берген. Бул тууралуу Башкы прокуратура билдирди.
Кадастр жана кыймылсыз мүлккө укук каттоо департаментинин маалыматына ылайык, декларациясын толтурууда айрым кыймылдуу жана кыймылсыз мүлкүн көрсөтпөй койгон соттор аныкталган.
Мындан улам Башкы прокуратура Соттор кеңешинин алдындагы Дисциплинардык комиссияга кайрылып, мыйзам бузган декларанттын жоопкерчилигин кароо өтүнүчү келтирилген.
Буга чейин президент Сооронбай Жээнбеков жана анын жакындарынын киреше-чыгашасын көрсөткөнбүз.
