17:07 21 Тогуздун айы 2019
Түз эфир
  • USD69.7890
  • EUR77.9334
  • RUB1.0945
Бишкектеги №1 төрөт үйү

Суукта балдар жана төрөт үйлөрү кантти? Учурдагы абал

© Sputnik / Таалайгуль Усенбаева
Коом
Кыскача шилтеме алуу
Бишкек ТЭЦтеги авария (84)
120120

26-январда Бишкек ТЭЦиндеги авариядан улам көп кабаттуу үйлөрдүн жашоочулары, ооруканадагы бейтаптар жана төрөтканадагы эне-балдар көп жапа чегүүдө.

Буга байланыштуу Sputnik Кыргызстан агенттиги калаадагы төрөт үй, оорукана жана балдар, карылар үйлөрүнөн кабар алып, айрымдарына барып келди.

Төрөт үйлөрүндөгү абал

№1 төрөт үйүнүн башкы дарыгери Аминат Байтикованын айтымында, төрөт үйдөгү палаталарда температура 21-22 градусту көрсөтүүдө. 

Женщины в №1 городском родильном доме в Бишкеке
© Sputnik / Таалайгуль Усенбаева
№1 төрөт үйүнүн палаталарында температура 21-22 градусту көрсөтүүдө

"Биринчи кабат муздак болгондуктан сактоого жаткан кош бойлуулардын баарын үйүнө чыгардык. Ал эми экинчи кабатта жаңы төрөгөн айымдар жатат. Ал жакта азырынча жылуу. Температура 20дан ылдыйлай баштаса палаталарга жылыткычтарды, төрөт залдарына генераторлорду иштетебиз. Абалы жакшыларды үйлөрүнө чыгардык. Азыр дагы төрөгөндөр келип жатат, кабыл алуудабыз", — деди Байтикова.

Учурда аталган төрөт үйүндө жаңы төрөгөн 45 эне ымыркайлары менен жатат. Биз барган учурда (27-январда саат 15:00дөр чамасында) төрөтканадагы палаталардын ичтери жылуу эле экен. Жаңы көз жарган айымдар балдарын жылуу ороп жатканына күбө болдук. 

Женщины в №1 городском родильном доме в Бишкеке
© Sputnik / Таалайгуль Усенбаева
Учурда аталган төрөт үйүндө жаңы төрөгөн 45 эне ымыркайлары менен жатат

"Азырынча жылуу эле. Эч кандай нааразычылыктар деле жок. Бирок зал кичине салкыныраак болгондуктан балдарды ороп үстүн жылуу жабуудабыз ", — деди жаңы көз жарган Альбина Туратбек кызы.

Эне жана баланы коргоо борборунда иштегендер имарат ичи муздай баштаганын айтып, палаталарда температура 17 градусту көрсөтүп жатканын кошумчалашты. Мындан улам аталган борбор жылыткычтарды колдоно баштаган.

№2, 3 жана 4 төрөт үйлөрүндө абал туруктуу экен. Эгер бөлмөдөгү температура 20 градустан төмөндөп кетсе, жылыткычтарды колдоно баштаарын төрөт үйлөрүнүн башкы дарыгерлери билдиришти.

Калаадагы ооруканаларда кырдаал туруктуу

Саламаттык сактоо министрлигинин маалыматына ылайык, учурда ооруканалардагы кырдаалды көзөмөлдөө үчүн ыкчам медициналык штаб түзүлгөн.

"Бишкекте борбордук жылуулукка кошулган 15 оорукана бар. Атайын штабдын текшерүүсүнө ылайык учурда бардык ооруканада температура +18…+20 градусту көрсөтүүдө", — деди министрликтин маалымат катчысы Жылдыз Айгерчинова.

Чүй облустук ооруканасында баары жайында деген жетекчилик катуу суукта үшүп жаткандар ооруканага келип баш калкаласа болорун билдирди. Ошондой эле 3-балдар ооруканасы да имараттын ичи жылуу экенин кошумчалады.

Балдар жана карылар үйү

Бишкектин 17 социалдык мекемесинде күнү-түнү нөөмөт уюштурулганын Социалдык өнүктүрүү министрлигинин соцкамсыздоо департаментинин жетекчиси Нурдөөлөт Базарбаев баса белгиледи.

"Бардык мекемелер анын ичинде балдар үйлөрү да борбордук жылуулукка кошулган болчу. Шаардагы карылар үйүнүн ар бир бөлмөсүнө жылыткычтар сайылган. Ал жакта температура 18ден кем эмес", — деди Базарбаев.

Карылар үйүндөгү ата-апалар батареялардын жанында колдорун жылытып, оронуп алып отурушат. 78 жаштагы Лилия Смирнова жылыткычтар иштеп жатканы менен үшүгөнүн жашырган жок. 

Постояльцы государственного дома престарелых в Бишкеке
© Sputnik / Эркин Алымбеков
Карылар үйүндөгү ата-апалар батареялардын жанында колдорун жылытып, оронуп алып отурушат.

"Эми жашаса болот, бирок баары муздак. Өзүм эле үшүкчөөл жан элем, бул суук кошул-ташыл болду", — деди Смирнова.

Постояльцы государственного дома престарелых в Бишкеке
© Sputnik / Эркин Алымбеков
Карылар үйү
Бишкек ТЭЦиндеги авариядан улам учурда өкмөт тарабынан ыкчам штаб түзүлдү. Ал эми премьер-министр Сапар Исаков түзүлгөн кырдаалга карабай Бишкек шаарынын тургундарына, өзгөчө социалдык объектилерге жылуулук берүүдө көйгөй жаралбашы керектигин баса белгиледи. 

Тема:
Бишкек ТЭЦтеги авария (84)

Тема боюнча

ТЭЦ жетекчиси: бүгүн кечинде жылуулук берилери айтылган, бирок жетишпей жатабыз
Бишкек ТЭЦтин асмандан көрүнүшү
Бишкек ТЭЦиндеги авариядан улам ыкчам штаб түзүлдү. Ага кимдер кирди
Бишкек ТЭЦ авариядан кийин кантип иштеп жатат. Дрондон тартылган сүрөт
ТЭЦтеги кырсыктан улам шаардыктардын жылуулук үчүн төлөмү кайрадан эсептелет
ТЭЦтеги авария качан жөнгө салынат. Күнөөлүүлөр жоопко тартылабы?
Белгилер:
балдар үйү, Төрөт үйү, оорукана

ЭҢ МААНИЛҮҮ