Атамбаев журналистке берген сааттын чоо-жайы

Жазылуу
КР президент аппаратынын жетекчиси мындай кол сааттар кимдерге берилери боюнча түшүндүрмө берди

БИШКЕК, 20-ноя. — Sputnik. Алмазбек Атамбаев жыйынтыктоочу маалымат жыйыны учурунда "Де-Факто" гезитинин башкы редакторуна өз кол саатын белек кылды. Ал суроо берип жатып, өлкө башчысынын кол саатын эстелик катары тагынып жүрүү ниетин билдирген. Атамбаев анын өтүнүчүн четке каккан жок.

Sputnik Кыргызстан агенттиги мындай сааттар каяктан чыгарылып, эмне үчүн берилерин билип көрдү.

КР президентинин аппарат жетекчиси Алмаз Усенов журналистке берилген саат өлкө башчынын алтын жалатылган энчилүү сааттарынан экенин айтты.

"Саатта "Айкөл Манас" деген жазуу бар. Ал атайын тапшырык менен чет жактан жасатылат", — деди ал.

Амантур, аман бол!. Атамбаев журналистке кол саатын белек кылды - Sputnik Кыргызстан
"Амантур, аман бол!". Атамбаев журналистке кол саатын белек кылды
Былтыр декабрь айында бир жаран дал ушундай сатты сата турганын Instagram социалдык тармагы аркылуу жарыялаган. Ал жергиликтүү ЖМКга жарыяланып, интернет колдонуучулар нааразычылыгын билдирген. Энчилүү саат 15 миң сомго сатылары жазылган. Анын түшүндүрмөсүндө саат Москвадагы "Полет-Хронос" заводу тарабынан жасалганы белгиленген.

Заводдун сайтында алар чынында эле администрациялардын, министрликтердин жана мекемелердин эмблемасы түшүрүлгөн жогорку сапаттагы сааттарды чыгарары маалымдалат.

Жаңылыктар түрмөгү
0