21:39 19 Теке 2018
Түз эфир
  • USD68.2210
  • EUR79.2319
  • RUB1.0782
Аэропортто кезекте турган адамдар. Архив

"Манас" аэропортуна агылып келген туристтер, чарчаткан кезек

© AFP 2018 / SONNY TUMBELAKA
Коом
Кыскача шилтеме алуу
282110

Социалдык тармакка жарыяланган видеодон туристтердин узун кезекте турганын көрүүгө болот.

БИШКЕК, 10-июл. — Sputnik. Борбор калаадагы "Манас" эл аралык аэропортунда туристтердин тобу кезек күтүп турганын Facebook колдонуучусу Азамат Жаналиев өз баракчасына жарыялады. 

Видеодон чет жактан келген туристтер узун кезекте турганын көрүүгө болот.

"Аэропортто 600 кишиге бир терминал араң иштеп жатат. Эптеп келген коноктордон акча үмүт кылгансып тейлөө кызматында орой мамиле кылган эже-байкелер отурат. Ушунун баарын көрүп туруп эс алууга келген туристтер эмдиги жылы кайтып келеби же келбейби белгисиз", — деп жазган Жаналиев.

Маселени тактоо үчүн "Манас" эл аралык аэропортунун маалымат кызматы Алия Курбанова менен байланышканыбызда ал Кыргызстандагы бардык аэропорттор туристтик сезонго даяр экендигин билдирди.

"Манас", "Ысык-Көл", "Ош" эл аралык аэропорттору туристтерди тосуп алганга даяр. Кезек күтүп турган жоон туристтер боюнча айтып кетсем, чет өлкөдөн учуп келген жүргүнчүлөрдүн баары чек ара көзөмөлүнөн өтүп, паспорттору текшерилет. Биздин мамлекетке кирип жаткандан кийин ар биринин документин дыкаттык менен карап чыгуу керек. Анын үстүнө кээ бир убакта үч-төрт учак бир учурда конуп калат. Анда 500дөн ашык жүргүнчүнү тейлегенде чоң кезек жаралып калышы ыктымал. Бизде жүргүнчүлөрдү тейлеген 11 терезе бар. Жок дегенде анын жетөөсү сөзсүз иштейт", — деди Курбанова.

Ал ошондой эле аэропортко келген коноктор үчүн тиешелүү шарттар каралганын, азыр да аэропортту жаңылоо, жакшыртуу, кеңейтүү жумуштары жүрүп жатканын кошумчалады.

Тема боюнча

Курбанова: Көлдөгү туристтик сезонго карата эки чет элдик түз аба каттамы ачылды
Ысык-Көлдөгү аэропорт башка жактын учактарын кабыл алат
Белгилер:
аэропорт, турист, туристтик сезон, Кыргызстан
Колдонуу эрежелериПикирлер

ЭҢ МААНИЛҮҮ