Эми Ташкент — Ысык-Көл авиакаттамы жумасына бир жолу жана Алматы — Ысык-Көл каттамы жумасына сегиз жолу каттап турат.
БИШКЕК, 4-июл. — Sputnik. "Ысык-Көл" эл аралык аэропортуна Өзбекстандан 200гө жакын турист бүгүн түз аба каттамы менен учуп келишти. Бул тууралуу "Манас" аэропортунун маалымат кызматы кабарлады.
4-июль күнү Ташкент — Ысык-Көл аба каттамы аркылуу 200гө жакын эс алуучу Ысык-Көлгө учуп келишти.
Билдирүүгө ылайык, 4-июль күнү Ташкент — Ысык-Көл аба каттамы аркылуу 200гө жакын эс алуучу Ысык-Көлгө учуп келишти. Эми аталган каттам жумасына бир жолу аткарылып турат. Эске салсак, бул аба каттам акыркы он жылдан бери биринчи жолу ишке ашып жатканын "Манас" аэропортунун маалымат кызматынан билдиришти.
Андан сырткары Алматы — Ысык-Көл каттамы аркылуу жумасына сегиз жолу чет элдик авиакомпаниялардын учактары каттайт.
Ошондой эле 5-июль күнү Чолпон-Ата шаарына Новосибирск шаарынан түз учактар каттай баштайт. Аталган авиакаттамдар Ысык-Көлдөгү туристтик сезондун башталышы менен өз ишин баштады.
