БИШКЕК, 3-май. — Sputnik. Скрябин атындагы кыргыз аргардык университетинин 18 жаштагы студенти Айдана Мамажанова "Кыргызстан топ-модели — 2017" сынагында жеңүүчү аталды. Аны менен кошо конкурска дагы 16 кыз катышып эл аралык "Дүйнө модели — 2017" сынагынын жолдомосу үчүн ат салышкан.
Жеңүүчү кыз интеллектуалдык сынакта башка катышуучуларга салыштырмалуу деңгээли жакшы экенин көрсөттү. Мисалы бир кыз белгилүү орус жазуучусу Александр Грибоедовдун фамилиясын "Дорбоедов" деп айтканы көпчүлүктүн эсинде калды.
Мамажановага Кыргызстанды 10 жылдан кийин кандай элестетесиз деген суроо берилди.
"Кыргызстан заманбап технологиялдарды колдонуп гүлдөгөн мамлекетке айланарына ишенем. Элибиз өлкөнүн бир тарабынан экинчи жагына барышы үчүн жакшы шарттар түзүлүп, сапаттуу жолдор салынат, жада калса метро да курулуп калат", — деп ишеним арткан.
Айдана Мамажанова сулуулук сынактарына алгачкы ирет катышып жаткан жок. Январь айында эл аралык Queen of Brilliancy International 2017 сынагына катышып, бирок финалга өтпөй калган.
