10:39 14 Тогуздун айы 2019
Түз эфир
  • USD69.8106
  • EUR76.8580
  • RUB1.0870
Медал. Архивдик сүрөт

Нур-Султанда кыргыз спортчусу калыстар бербеген медалды "тартып" алды

© Sputnik / Табылды Кадырбеков
Азия
Кыскача шилтеме алуу
2196 0 0

Дүйнө чемпионаты 12-20-июль күндөрү Нур-Султан шаарында өткөн.

БИШКЕК, 21-июл. — Sputnik. Жаштар арасындагы пауэрлифтинг боюнча дүйнө чемпионатына катышкан кыргызстандык Азизбек Замирбек уулу калыстардын катасын далилдеп, коло медалга ээ болду. Бул туурасында Жаштар иши, дене тарбия жана спорт агенттигинен билдиришти.

Белгилей кетсек, аталган чемпионат 12-20-июль күндөрү Нур-Султан шаарында өткөн. Кыргызстандык спортчу 54 килограмм чен бирдикте биринчи аракетинде 80 килограммдык штанганы көтөрө албай койгон. Бирок экинчи жолку аракетинде көтөрүп кеткен. Ал эми үчүнчү аракетинде 89 килограммды көтөрүп, 88 килограмм көтөргөн америкалык спортчудан ашып түшкөн. Бирок калыстар Замирбек уулунун эмгегин эсептебей, аны 4-орунга жазып койгон.

Мындан улам Улуттук команданын башкы машыктыруучусу Аднан Жабраилов калыстар тобуна апелляция берген.

Калыстар эпизодду кайра башынан карап чыгып, эч кандай эреже бузуу болбогонуна ынанышкан. Ошентип, Азизбек Замирбек уулу Жаштар арасындагы дүйнө чемпионатынын коло медалына татыды.

Тема боюнча

Рафаэль Физиевдин UFC уюмундагы кийинки атаандашы белгилүү болду
Азия чемпионатында Жуманазарова алтын утуп, Марсбек кызы күмүш алды. Видео
Белгилер:
Нур-Султан, Дүйнө чемпионаты, калыс, талаш, коло, медаль, спортчу

ЭҢ МААНИЛҮҮ