23:44 08 Баш оона 2020
Түз эфир
  • USD77.0500
  • EUR91.1694
  • RUB1.0463
Азия
Кыскача шилтеме алуу
61 0 0

Мындан тышкары 70 жашка чейинкилер гана шайланат деген чектөө алып салынды.

БИШКЕК, 14-сен. — Sputnik. Түркмөн парламенти шаршемби күнү жаңы конституцияга добуш берип, өлкө башчынын башкаруу мөөнөтүн беш жылдан жети жылга чейин узартуу менен биргеликте президенттик кызматка 70 жашка чейинкилер гана шайланыш керек деген чекти алып салышты. Бул тууралуу РИА Новости кабарлайт. 

Аксакалдар Кеңешинин отурумунда депутаттар бир добуш менен жаңы мыйзамдын кабыл алынышын колдошту.

Президент Гурбангулы Бердымухамедов жаңы баш мыйзамга ошол эле күнү кол коюп, жаңы мыйзам күчүнө кирген.

"Түркмөнстанда жаңы конституциянын кабыл алынышы өлкөнүн социалдык-экономикалык жана руханий жактан өнүгүшүнө өбөлгө түзөт. Жаңы конституция  мыйзам чыгаруунун эл аралык укуктук нормаларына таянып жазылды", — деди президент.

Жаңы мыйзамдын мурдагы мыйзамдан негизги айырмасы президенттик мөөнөттүн узартылышы жана жашка болгон чектин алынышы болуп саналат.

Мурдагы конституцияга ылайык, Түркмөнстанда төрөлүп, 40 жаштан жаш эмес жана 70 жаштан улуу болбогон талапкер гана президент боло алчу.

2008-жылы президент Бердымухамедовдун демилгеси менен конституциялык реформа болгон.

2014-жылы өлкө башчысы кайрадан башкы мыйзамды өзгөртүү демилгеси менен чыгып, аны жакшыртууга багытталган жарлыкка кол койгон. Анда Бердымухамедов конституцияны замандын талабына ылайык Түркмөнстандын келечеги үчүн өзгөртүү керек деп белгилеген.

Кийинки президенттик шайлоо 2017-жылы февралда өтөт.

Тема боюнча

Түркмөн президенти Кыргызстанга келүүгө камынып жатат
Белгилер:
президент, шайлоо, конституция, Түркмөнстан

ЭҢ МААНИЛҮҮ