БИШКЕК, 8-сен. — Sputnik. Түркмөнстандын президенти Гурбангулы Бердымухамедов Кыргызстанга иш сапары менен келе турганын аталган өлкө башчынын маалымат кызматы билдирди.
Кечээ, 7-сентябрь күнү Бердымухамедов президент Алмазбек Атамбаев менен телефон аркылуу сүйлөшкөн. Буга чейин анын Көчмөндөр оюндарына келери кабарланган, бирок Өзбекстандын президенти Ислам Каримовдун тажыясынан улам Кыргызстанга келе албай калган.
Бердымухамедов кыргыз кесиптеши менен боло турган жолугушуу жана түркмөн ишкерлери тарабынан Ысык-Көлдүн жээгине курула турган ден соолукту чыңдоочу комплекстин курулушун баштоо эки өлкөнүн ортосундагы мамилени мындан да бекемдей турганына ишеним артты.
