https://sputnik.kg/20260725/si-czinpin-bishkek-keluu-kyrgyzstan-kytay-tim-bashchy-zholugushuu-talkuu-1102607317.html
Си Цзиньпин Бишкекке келет. ТИМ башчылары эмнелерди талкуулашты
Си Цзиньпин Бишкекке келет. ТИМ башчылары эмнелерди талкуулашты
Sputnik Кыргызстан
БИШКЕК, 25-июл. — Sputnik. Тышкы иштер министри Жээнбек Кулубаев Кыргызстанга расмий иш сапары менен келген кытайлык кесиптеши Ван И менен жолугушту. Бул... 25.07.2026, Sputnik Кыргызстан
2026-07-25T15:19+0600
2026-07-25T15:19+0600
2026-07-25T15:19+0600
кыргызстан
кытай
тышкы иштер министрлиги
жолугушуу
кызматташуу
https://sputnik.kg/img/07ea/07/19/1102605692_0:0:1200:676_1920x0_80_0_0_d2eb2af3bc4bd0474ea646a551e4946a.jpg
БИШКЕК, 25-июл. — Sputnik. Тышкы иштер министри Жээнбек Кулубаев Кыргызстанга расмий иш сапары менен келген кытайлык кесиптеши Ван И менен жолугушту. Бул тууралуу ТИМдин маалымат кызматы билдирди. Министрлер Кытайдын төрагасы Си Цзиньпиндин Кыргызстанга мамлекеттик сапары менен келишине даярдык көрүүнү жана кыргыз-кытай кызматташтыгынын күн тартибиндеги маселелерин талкуулашты. Ошондой эле мамлекет башчылары кол койгон макулдашууларды, Кыргызстан менен Кытайдын тышкы иштер министрлеринин деңгээлинде өткөн биринчи Стратегиялык диалогдун жыйынтыгы боюнча кабыл алынган чечимдерди ишке ашырууга өзгөчө көңүл бурулган. Кулубаев менен Ван И муну менен катар эле соода-экономикалык кызматташтык, айыл чарба, өнөр жай жана инвестиция тармактарындагы бирдиктүү долбоорлорду ишке ашыруу маселелерин да карашкан. Тараптар ири инфраструктуралык долбоорлорду, анын ичинде Кытай — Кыргызстан — Өзбекстан темир жолун куруу демилгесин мындан ары да ырааттуу өнүктүрүүнүн маанилүүлүгүн белгилешкен. Тараптар бардык багыттар боюнча тыгыз иштешүүнү улантуу ниеттерин ырасташып, Кыргызстан менен Кытайдын ортосундагы достук жана коңшулук мамилелерди мындан ары чыңдоого даяр экенин белгилешкен.Сүйлөшүүлөрдөн кийин министрлер Кыргызстандын Медиация боюнча эл аралык уюмду түзүү тууралуу конвенцияга кошулуу аземине жана Кытайдын Ош шаарындагы Башкы консулдугунун ишмердүүлүгүн кайра баштоого арналган салтанатка катышышкан. Айта кетсек, Башкы консулдук 2019-жылы COVID-19 пандемиясынан улам ишин токтоткон болчу.
https://sputnik.kg/20260724/zhaparov-kytaydyn-tyshky-ishter-ministri-van-ini-kabyl-aldy-1102600962.html
кытай
Sputnik Кыргызстан
media@sputniknews.com
+74956456601
MIA „Rossiya Segodnya“
2026
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
кыргызстан, кытай, тышкы иштер министрлиги, жолугушуу, кызматташуу
кыргызстан, кытай, тышкы иштер министрлиги, жолугушуу, кызматташуу
Си Цзиньпин Бишкекке келет. ТИМ башчылары эмнелерди талкуулашты
БИШКЕК, 25-июл. — Sputnik. Тышкы иштер министри Жээнбек Кулубаев Кыргызстанга расмий иш сапары менен келген кытайлык кесиптеши Ван И менен жолугушту. Бул тууралуу ТИМдин маалымат кызматы билдирди.
Министрлер Кытайдын төрагасы Си Цзиньпиндин Кыргызстанга мамлекеттик сапары менен келишине даярдык көрүүнү жана кыргыз-кытай кызматташтыгынын күн тартибиндеги маселелерин талкуулашты. Ошондой эле мамлекет башчылары кол койгон макулдашууларды, Кыргызстан менен Кытайдын тышкы иштер министрлеринин деңгээлинде өткөн биринчи Стратегиялык диалогдун жыйынтыгы боюнча кабыл алынган чечимдерди ишке ашырууга өзгөчө көңүл бурулган.
Кулубаев менен Ван И муну менен катар эле соода-экономикалык кызматташтык, айыл чарба, өнөр жай жана инвестиция тармактарындагы бирдиктүү долбоорлорду ишке ашыруу маселелерин да карашкан. Тараптар ири инфраструктуралык долбоорлорду, анын ичинде Кытай — Кыргызстан — Өзбекстан темир жолун куруу демилгесин мындан ары да ырааттуу өнүктүрүүнүн маанилүүлүгүн белгилешкен.
"Жыйында 2025–2026-жылдары Кыргызстандын ШКУга төрагалык кылуусунун алкагындагы кызматташуу маселелери талкууланды. Кытай тарап Кыргызстандын ШКУга мүчө мамлекеттердин тышкы иштер министрлер кеңешинин жыйынын ийгиликтүү уюштурганы менен куттуктап, Бишкекте өтө турган ШКУ саммитин өткөрүүгө колдоо көрсөтөрүн билдирди", — деп айтылат маалыматта.
Тараптар бардык багыттар боюнча тыгыз иштешүүнү улантуу ниеттерин ырасташып, Кыргызстан менен Кытайдын ортосундагы достук жана коңшулук мамилелерди мындан ары чыңдоого даяр экенин белгилешкен.
Сүйлөшүүлөрдөн кийин министрлер Кыргызстандын Медиация боюнча эл аралык уюмду түзүү тууралуу конвенцияга кошулуу аземине жана Кытайдын Ош шаарындагы Башкы консулдугунун ишмердүүлүгүн кайра баштоого арналган салтанатка катышышкан. Айта кетсек, Башкы консулдук 2019-жылы COVID-19 пандемиясынан улам ишин токтоткон болчу.
