Кыргызстан менен Тажикстан 16 документке кол койду. Тизме
13:39 13.03.2025 (Жаңыртылды: 17:16 13.03.2025)
Жазылуу
БИШКЕК, 13-мар. — Sputnik. Кыргызстан менен Тажикстандын ортосунда эки тараптуу 16 документке кол коюлду. Бул тууралуу президенттин маалымат кызматынан билдиришти.
Тажикстандын президентинин мамлекеттик сапарынын алкагында Садыр Жапаров менен Эмомали Рахмон биргелешкен билдирүүгө жана эки өлкөнүн ортосундагы мамлекеттик чек ара жөнүндө келишимге кол коюшту.
Мындан тышкары, төмөнкү документтерге кол коюлду:
Суу чарба жана энергетикалык объектилерге жеткиликтүүлүктү камсыз кылуу боюнча макулдашуу;
Автомобиль жолдорун куруу жана пайдалануу, автомобиль жолдорунун кесилишин жайгаштыруу жана пайдалануу жөнүндө макулдашуу;
Айыл чарба тармагында кызматташуу жөнүндө макулдашуу;
Ветеринардык жана фитосанитардык коопсуздук чөйрөсүндө кызматташуу жөнүндө макулдашуу;
Жер титирөөгө туруктуулукту камсыз кылуу, энергоэффективдүү жана жашыл технологияларды өнүктүрүү жана шаар куруу чөйрөсүндө кызматташуу жөнүндө меморандум;
Өнөр жай жана жаңы технологиялар жаатында кызматташуу жөнүндө меморандум;
2025-2027-жылдарга жаштар саясаты чөйрөсүндө кызматташуу программасы;
2025-2027-жылдарга дене тарбия жана спорт чөйрөсүндө кызматташуу программасы;
Боордоштук байланыштарды түзүү жөнүндө макулдашуу;
2025-2027-жылдарга Ош облусунун Чоң-Алай району менен Лахш районунун ортосундагы соода-экономикалык, илимий-техникалык жана маданий чөйрөлөрдө кызматташуунун программасы;
2025-2030-жылдарга Ош облусу менен Тоолуу Бадахшан автономдуу облусунун ортосундагы соода-экономикалык жана маданий чөйрөдө кызматташуу программасы;
Кыргызстан менен Тажикстандын ортосунда ташылуучу товарлар жана транспорт каражаттары жөнүндө алдын ала маалыматтар менен алмашууну уюштуруу тууралуу протокол;
Терроризмди каржылоого, кылмыш жолу менен алынган кирешелерди легализациялоого (адалдоого) каршы аракеттенүү чөйрөсүндө көзөмөл жаатында кызматташуу жана маалымат алмашуу жөнүндө меморандум;
"Кыргыз экспорт" мамлекеттик мекемеси менен Тажикстандын Экспорт боюнча агенттигинин ортосунда кызматташуу жөнүндө меморандум.
13 Жалган Куран 2025, 13:20
