Министрлик шектүүлөргө кийгизүүгө сунушталган электрондук билерикти сынап жатат
22:00 27.11.2023 (Жаңыртылды: 22:55 27.11.2023)
© Sputnik / Юрий Стрелец
/ Жазылуу
Электрондук билериктин жардамы менен шектүүлөрдүн жайгашкан жерин жана зомбулукка кабылган адамдарга жакындаган радиусун байкоого болот.
БИШКЕК, 27-ноя. — Sputnik. Юстиция министрлиги шектүүлөргө мониторинг жүргүзүү үчүн колдонууга сунушталган электрондук билерикти сыноодон өткөрүп жатат. Бул тууралуу министрликтин маалымат кызматы билдирди.
Буга чейин министрлер кабинети аялдарды коргоонун жаңы түрүн сунуштаган. Ага ылайык, зордукчуларга электрондук билерик тагылат. Анын жардамы менен шектүүлөрдүн жайгашкан жерин жана зомбулукка кабылган адамдарга канча жакындаганын (радиусун) байкоого болот.
Мындай идея алгач май айында көтөрүлгөн эле, жакында мыйзам долбоору иштелип Жогорку Кеңешке жөнөтүлгөнү белгилүү болду. Юстиция министрлиги аталган мыйзам долбоорун парламент кабыл алса кылмыш процессинде жана сот өндүрүшүндө бир катар аспектилерди санариптештирүү шарттары түзүлмөкчү.
Тагыраагы:
электрондук билериктер практикада колдонулат;
камакка алынган жарандардын саны азаят (анын ичинде анча оор эмес иштер жана коркутуу жана зомбулук көрсөтүүгө байланышпаган иштер боюнча ж.б.);
камакка алынган жарандардын саны азаят (анын ичинде анча оор эмес иштер жана коркутуу жана зомбулук көрсөтүүгө байланышпаган иштер боюнча ж.б.);
Эгерде сот тарабынан акталса, мыйзамсыз кармоонун кесепеттери азайтылат.
“Мыйзам долбоору кабыл алынса электрондук билериктерди жана башка ушул сыяктуу электрондук каражаттарды практикада 2024-жылы, Жазык-аткаруу мыйзамдарын ишке ашыруунун алкагында гана эмес (Пробация институту аркылуу электрондук көзөмөлдүн алкагында), жаңы “электрондук байкоо” бөгөт коюу чарасы түрүндө да колдонууга болот”, — деп айтылат маалыматта.
Ошондой эле бул каражатты, мыйзамга ылайык, жазык-аткаруу өндүрүшүндө соттолгон адамдарга карата колдонсо болору айтылган.
“Анткени электрондук билерик – пробациянын кардарларына соттун көзөмөлүнүн, талаптарынын сакталышына, бул боюнча милдеттердин аткарылышына пробация органы тарабынан электрондук-техникалык түзүлүштөрдү колдонуу менен жүргүзүлүүчү көзөмөл”, — деп түшүндүргөн министрлик.
