https://sputnik.kg/20230531/kyrgyzstan-teatr-aktrisa-kumushalieva-kydykeva-kujukova-taberik-surot-1075825531.html
Кыргыз кино жана театрынын корифейлери. Үч залкардын таберик сүрөтү
Кыргыз кино жана театрынын корифейлери. Үч залкардын таберик сүрөтү
Sputnik Кыргызстан
Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт. 31.05.2023, Sputnik Кыргызстан
2023-05-31T18:11+0600
2023-05-31T18:11+0600
2023-06-01T09:13+0600
кыргызстан
маданият
театр
сабира күмүшалиева
бакен кыдыкеева
даркүл күйүкова
таберик сүрөт
сүрөт
https://sputnik.kg/img/07e7/05/1f/1075824694_0:0:820:461_1920x0_80_0_0_eb95ab09a6a6ca58c0302eafca151e59.jpg
© Фото / Кыргызский Государственный театр юного зрителя им. Б.КыдыкеевойСолдон оңду көздөй турган СССРдин эл артисттери Сабира Күмүшалиева, Бакен Кыдыкеева жана Даркүл Күйүкованын сүрөтү 1976-жылы Фрунзе шаарында тартылган.Ал жылдары театр ишмерлери сахнага чыгып, экранда жылдызы жанып, чыгармачылыгы оргуштап турган.Ошол кезеңди Кыргыз Республикасынын эл артисти Гүлсара Ажыбекова мындайча эскерет.Эске сала кетсек, Сабира Күмүшалиева 70 жылдан ашык театр, кинодо эмгектенип, 100дөн ашык түрдүү образдарды жараткан. Бакен Кыдыкеева болсо 60 жылга жакын иштеп, СССРдин эл артисти болгонго чейин жетишкен.Ал эми Токтогул атындагы мамлекеттик сыйлыгынын лауреаты Даркүл Күйүкова Кыргыз улуттук академиялык драма театрында 100дөн ашык ролду ийнине жеткире аткарып, үчөө тең өмүрүн сахнага арнаган.Тема боюнча:
Sputnik Кыргызстан
media@sputniknews.com
+74956456601
MIA „Rossiya Segodnya“
2023
Мирбек Сакенов
https://sputnik.kg/img/104343/42/1043434299_1177:149:2036:1008_100x100_80_0_0_414606a0d40d8ce720ce1aa4c6ce2676.jpg
Мирбек Сакенов
https://sputnik.kg/img/104343/42/1043434299_1177:149:2036:1008_100x100_80_0_0_414606a0d40d8ce720ce1aa4c6ce2676.jpg
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
Мирбек Сакенов
https://sputnik.kg/img/104343/42/1043434299_1177:149:2036:1008_100x100_80_0_0_414606a0d40d8ce720ce1aa4c6ce2676.jpg
кыргызстан, маданият, театр, сабира күмүшалиева, бакен кыдыкеева, даркүл күйүкова, таберик сүрөт, сүрөт, инфографика
кыргызстан, маданият, театр, сабира күмүшалиева, бакен кыдыкеева, даркүл күйүкова, таберик сүрөт, сүрөт, инфографика
Кыргыз кино жана театрынын корифейлери. Үч залкардын таберик сүрөтү
18:11 31.05.2023 (Жаңыртылды: 09:13 01.06.2023) Sputnik Кыргызстан маалымат агенттиги архивде сакталып жаткан сейрек сүрөттөрдү жарыялап, тарыхын баяндайт.
© Фото / Кыргызский Государственный театр юного зрителя им. Б.Кыдыкеевой
Солдон оңду көздөй турган СССРдин эл артисттери Сабира Күмүшалиева, Бакен Кыдыкеева жана Даркүл Күйүкованын сүрөтү 1976-жылы Фрунзе шаарында тартылган.
Ал жылдары театр ишмерлери сахнага чыгып, экранда жылдызы жанып, чыгармачылыгы оргуштап турган.
Ошол кезеңди Кыргыз Республикасынын эл артисти Гүлсара Ажыбекова мындайча эскерет.
"Мен жогорку окуу жайды 1972-жылы бүтүп келип сүрөттөгү залкар инсандар менен иштешип, алардан көп нерсени үйрөнүп калдым. Даркүл эже киного андан-санда түшүп, сахнада чоң ролдорду ойноду. Бакен эже кинодо да, театрда да жүрдү. Сабира эже көп киного түшүп, эпизоддорду майын чыгара аткарчу. Эл арасында "Төкөлдөштүн төрт кызы" деген залкарлардын үчөө Кыргыз улуттук академиялык драма театрында эмгектеништи. Кыргыз маданиятындагы ар биринин жолу, ролу, образдары бири-бирине окшобойт. Күйүкова менен Кыдыкееванын гриммденген бөлмөсү бир болчу. Даркүл эже пенсияга кеткенде анын ордуна Сабира эже келген. Булар турмушта бири-бири менен анчалык жакын катыша алган жок жана мүмкүнчүлүктөрү да аз болгон. Театрга репетицияга келмей, андан чыгып алып телевидение, радиого жөнөмөй. Кечинде спектаклде ойношчу. Ал кезде гастролго чогуу чыгып эле калбасаң жакын мамиледе болгонго шарт болчу эмес. Мен театрда Алиман Жангорозова, Бакен Кыдыкеева экөө менен эже-сиңдидей сырдашып жакын мамиледе болуп жүрдүм. Даркүл эже болуп гастролго көп чыгып калдык. Башыбыздан көп нерселер өттү", — деди Ажыбекова.
Эске сала кетсек,
Сабира Күмүшалиева 70 жылдан ашык театр, кинодо эмгектенип, 100дөн ашык түрдүү образдарды жараткан.
Бакен Кыдыкеева болсо 60 жылга жакын иштеп, СССРдин эл артисти болгонго чейин жетишкен.
Ал эми Токтогул атындагы мамлекеттик сыйлыгынын лауреаты Даркүл Күйүкова Кыргыз улуттук академиялык драма театрында 100дөн ашык ролду ийнине жеткире аткарып, үчөө тең өмүрүн сахнага арнаган.
