https://sputnik.kg/20221020/teatr-kino-aktrisa-baken-kydykeeva-fakty-1069189893.html
Кыргыз элинин багына жаралган талант. Бакен Кыдыкеева жөнүндө 5 факт
Кыргыз элинин багына жаралган талант. Бакен Кыдыкеева жөнүндө 5 факт
Sputnik Кыргызстан
Бүгүн СССРдин эл артисти, Токтогул атындагы мамлекеттик сыйлыктын лауреаты, таланттуу актриса Бакен Кыдыкееванын туулган күнү. 20.10.2022, Sputnik Кыргызстан
2022-10-20T20:13+0600
2022-10-20T20:13+0600
2022-10-21T10:12+0600
кыргызстан
маданият
актриса
бакен кыдыкеева
театр
кино
факты
https://sputnik.kg/img/101945/77/1019457794_0:332:1740:1311_1920x0_80_0_0_9801eb2833a7320b8787c089e8947357.jpg
Театр жана кино чебери көзү тирүү болгондо быйыл 99 жашка толмок. Буга байланыштуу Sputnik Кыргызстан агенттиги СССРдин эл артисти жөнүндө кызыктуу фактыларды сунуштайт.Мугалимдин кызы. Бакен Кыдыкеева 1923-жылы 20-октябрда Чүй облусундагы Төкөлдөш айылында мугалимдин үй-бүлөсүндө жарык дүйнөгө келген. Чыгармачылык жолун 1936-жылы Жаш көрүүчүлөр театрынан баштап, Лопе де Веганын "Койлуу булак" драмасында Лауренсиянын ролун аткарып, сахнага 13 жашында чыккан. Кино жаатына биринчилерден болуп 1955-жылы кыргыздын алгачкы толук метраждуу "Салтанат" тасмасына башкы ролду ойноп тартылып, аралашкан.Мектепти бүтүп эле театрга кирген. Ал жети класстык мектепти бүткөндөн кийин ата-энесине айтпай театрга кирип алат. Бирок атасы ага каршы чыгып, Кыдыкеева ал жактан чыгуу үчүн арыз жазганы жумушка барса жаңы роль сунушташат. Тагдырдын жазмышы ушул экен деген болочоктогу атактуу актриса эч кимге билгизбей сахнага чыгып, ролду майын чыгара аткарат. Андан соң атасы кызынын таланты тууралуу гезит бетинен окуп, ага чыгармачылык менен алектенүүгө макулдук берет. Ошондон баштап ал кызынын туруктуу күйөрманы болуп, өмүрүнүн аягына чейин ар бир жаңы спектаклине гүл көтөрүп барууну адат кылып алган экен.Театр жана кинодогу Бакен. Токтогул атындагы мамлекеттик сыйлыктын лауреаты кийин Ысык-Көл, Нарын облусундагы театрда иштеп, Кыргыз драма театрында көп жыл эмгектенген. Ыйык сахнада Муратбек Рыскулов, Сабира Күмүшалиева, Даркүл Күйүкова, Ашыраалы Боталиев, Насыр Кытаев өңдүү залкарлар менен кесиптеш болуп жүздөгөн ролду ийине жеткире аткарган. Ал эми кинодо "Саманчынын жолу", "Биринчи мугалим", "Көчө", "Көздүн кареги", "Революциянын атчандары", "Караш-караш окуясы", "Тайгак кечүү", "Жоргонун жүрүшү", "Ашуу", "Токтогул", "Каныбек", "Аманатта" роль жараткан. Андан сырткары, коңшу казак, өзбек кинорежиссёрлору актрисаны өз тасмаларына тартуу үчүн байма-бай чакырышкан.Чебер устат. СССРдин эл артисти ата мекендик искусствонун өнүгүшүнө бараандуу салым кошкон. Кезегинде далай жаш таланттарга жол көрсөтүп, алардан жардамын аяган эмес. Алсак, Мираида Далбаева, Таттыбүбү Турсунбаева жана Жамал Сейдакматова өңдүү бир топ чыгармачыл инсандарды тарбиялаган.Театрдан куулган инсан. Өзүнүн чыгармачылык жолунда сахна жылдызы ар кандай бут тосууларга кабылып, эки жолу театрдан айдалып, ал жактан үч-төрт жылдай чыгып калган. Учурунда анын 60 жылга жакын эмгегине тиешелүү баа берилген эмес. Жеке жашоосунда да өйдө-ылдый болуп, 33 жаштагы кызынан айрылып калган. Кыргыздын карлыгач актрисасы 70 жаш курагында жол кырсыгынан көз жумган. Анын ысымын учурда борбор калаадагы Жаш көрүүчүлөр театры жана бир көчө алып жүрөт.
https://sputnik.kg/20221010/shajyr-kasymalieva-tuuraluu-8-fakty-1043908043.html
Sputnik Кыргызстан
media@sputniknews.com
+74956456601
MIA „Rosiya Segodnya“
2022
Sputnik Кыргызстан
media@sputniknews.com
+74956456601
MIA „Rosiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rosiya Segodnya“
Sputnik Кыргызстан
media@sputniknews.com
+74956456601
MIA „Rosiya Segodnya“
кыргызстан, маданият, актриса, бакен кыдыкеева, театр, кино, факты
кыргызстан, маданият, актриса, бакен кыдыкеева, театр, кино, факты
Кыргыз элинин багына жаралган талант. Бакен Кыдыкеева жөнүндө 5 факт
20:13 20.10.2022 (Жаңыртылды: 10:12 21.10.2022) Бүгүн СССРдин эл артисти, Токтогул атындагы мамлекеттик сыйлыктын лауреаты, таланттуу актриса Бакен Кыдыкееванын туулган күнү.
Театр жана кино чебери көзү тирүү болгондо быйыл 99 жашка толмок. Буга байланыштуу Sputnik Кыргызстан агенттиги СССРдин эл артисти жөнүндө кызыктуу фактыларды сунуштайт.
Мугалимдин кызы. Бакен Кыдыкеева 1923-жылы 20-октябрда Чүй облусундагы Төкөлдөш айылында мугалимдин үй-бүлөсүндө жарык дүйнөгө келген. Чыгармачылык жолун 1936-жылы Жаш көрүүчүлөр театрынан баштап, Лопе де Веганын "Койлуу булак" драмасында Лауренсиянын ролун аткарып, сахнага 13 жашында чыккан. Кино жаатына биринчилерден болуп 1955-жылы кыргыздын алгачкы толук метраждуу "Салтанат" тасмасына башкы ролду ойноп тартылып, аралашкан.
Мектепти бүтүп эле театрга кирген. Ал жети класстык мектепти бүткөндөн кийин ата-энесине айтпай театрга кирип алат. Бирок атасы ага каршы чыгып, Кыдыкеева ал жактан чыгуу үчүн арыз жазганы жумушка барса жаңы роль сунушташат. Тагдырдын жазмышы ушул экен деген болочоктогу атактуу актриса эч кимге билгизбей сахнага чыгып, ролду майын чыгара аткарат. Андан соң атасы кызынын таланты тууралуу гезит бетинен окуп, ага чыгармачылык менен алектенүүгө макулдук берет. Ошондон баштап ал кызынын туруктуу күйөрманы болуп, өмүрүнүн аягына чейин ар бир жаңы спектаклине гүл көтөрүп барууну адат кылып алган экен.
Театр жана кинодогу Бакен. Токтогул атындагы мамлекеттик сыйлыктын лауреаты кийин Ысык-Көл, Нарын облусундагы театрда иштеп, Кыргыз драма театрында көп жыл эмгектенген. Ыйык сахнада Муратбек Рыскулов, Сабира Күмүшалиева, Даркүл Күйүкова, Ашыраалы Боталиев, Насыр Кытаев өңдүү залкарлар менен кесиптеш болуп жүздөгөн ролду ийине жеткире аткарган. Ал эми кинодо "Саманчынын жолу", "Биринчи мугалим", "Көчө", "Көздүн кареги", "Революциянын атчандары", "Караш-караш окуясы", "Тайгак кечүү", "Жоргонун жүрүшү", "Ашуу", "Токтогул", "Каныбек", "Аманатта" роль жараткан. Андан сырткары, коңшу казак, өзбек кинорежиссёрлору актрисаны өз тасмаларына тартуу үчүн байма-бай чакырышкан.
Чебер устат. СССРдин эл артисти ата мекендик искусствонун өнүгүшүнө бараандуу салым кошкон. Кезегинде далай жаш таланттарга жол көрсөтүп, алардан жардамын аяган эмес. Алсак, Мираида Далбаева, Таттыбүбү Турсунбаева жана Жамал Сейдакматова өңдүү бир топ чыгармачыл инсандарды тарбиялаган.
Театрдан куулган инсан. Өзүнүн чыгармачылык жолунда сахна жылдызы ар кандай бут тосууларга кабылып, эки жолу театрдан айдалып, ал жактан үч-төрт жылдай чыгып калган. Учурунда анын 60 жылга жакын эмгегине тиешелүү баа берилген эмес. Жеке жашоосунда да өйдө-ылдый болуп, 33 жаштагы кызынан айрылып калган. Кыргыздын карлыгач актрисасы 70 жаш курагында жол кырсыгынан көз жумган. Анын ысымын учурда борбор калаадагы Жаш көрүүчүлөр театры жана бир көчө алып жүрөт.
10 Тогуздун айы 2022, 16:16
