Жапаров: Баткенде бир компания 31 субподрядчы жалдап үйлөрдү куруп жатат

© Фото / Пресс-служба правительства / Алишер АлиевБаткен облусунда үйлөрдү куруу. Архив
Баткен облусунда үйлөрдү куруу. Архив - Sputnik Кыргызстан, 1920, 08.12.2022
Жазылуу
НовостиTelegram
Эл өкүлү бийлик элге декабрь ичи турак жайларын куруп берүүнү убадалаганын эскертти.
БИШКЕК, 8-дек. — Sputnik. Жогорку Кеңештин депутаты Жанар Акаев Баткенде тажик тараптын кол салуусунан талкаланган үйлөрдүн курулушу эмне себептен кечеңдеп жатканын сурады.
Эл өкүлү бийлик турак жайлар декабрь ичи курулуп бүтүп, эл кирип жашап калат деген убада бергенин эске салды.
© Фото / пресс-служба Жогорку КенешаДепутат Жогорку Кенеша Жанар Акаев
Депутат Жогорку Кенеша Жанар Акаев - Sputnik Кыргызстан, 1920, 08.12.2022
"Азыр көпчүлүгүнүн чатыры дагы жабылган жок. Курулушчулар менен сүйлөшсөм 50 пайыз дагы акчасын албаптыр. Акча бөлүнгөн беле, ким куруп жатат негизи?" — деди Акаев.
Министрлер кабинетинин төрагасы Акылбек Жапаров 21-декабрга чейин 150 үй толук курулуп ээлерине тапшырыларын, калганы катары менен бүткөрүлө берерин айтты.
© Фото / пресс-служба Правительства КРПредседатель Кабинета Министров КР Акылбек Жапаров
Председатель Кабинета Министров КР Акылбек Жапаров - Sputnik Кыргызстан, 1920, 08.12.2022
"Мамкурулуш агенттиги ишке көзөмөл жүргүзүп жатат. Ал эми "Аманат" деген компания курулуш иштерин мойнуна алган, ал 31 субподрядчы компанияны жалдаган. Үйлөрдү курууга бир миллиард сом бөлүнгөн, дагы керек болсо карап беребиз", — деди Жапаров.
Белгилей кетсек, чек арадагы кагылышта Баткен облусу боюнча 618 турак жай талкаланган. Анын 453үн кайра башынан куруп, калган 165ин капиталдык оңдоодон өткөрүү пландалган.
Баткен шаары. Архивдик сүрөт - Sputnik Кыргызстан, 1920, 04.12.2022
Баткенге жардам катары чогулган каражаттын 148,7 млн. сому коротулду
Жаңылыктар түрмөгү
0