Асыкулов: экологиялык билим берүүдө макал-лакаптарды колдонолу деп жатабыз
© Sputnik / Асель Сыдыкова
Жазылуу
NABU-Кыргызстан уюмунун жетекчиси Толкунбек Асыкулов браконьерлик менен күрөшүүдө экологиялык билим берүү натыйжалуураак экенин белгиледи.
Экологиялык билим берүүдө макал-лакаптарды колдонууну ойлонуштуруп жатабыз. Бул тууралуу Толкунбек Асыкулов Sputnik Кыргызстан радиосуна маек куруп жатып билдирди.
Асыкулов: экологиялык билим берүүдө макал-лакаптарды колдонолу деп жатабыз
Анын айтымында, бул багытта үч бөлүктөгү китеп балдарга ылайыкталып чыгарылат.
"Браконьерликке каршы күч менен күрөшүү тийиштүү натыйжа бербейт. Ошондуктан экологиялык билим берүү жана тарбияны күчөтүү зарыл. Мурда бул багытта агитация сыяктуу иштер менен чектелип келсек, эми жаратылышты коргоо боюнча илимий эмгектерди, окуу куралдарды, колдонмолорду даярдоого аракеттер көрүлүүдө. Жакында жаратылышка тийиштүү болгон кыргыздын макал-лакаптарын чогултуп, анын түшүндүрмөсү, сүрөттөрү менен чыгарабыз. Мисалы, макал илбирс тууралуу болсо алгач макалдын мааниси түшүндүрүлөт. Андан кийин илбирстин сүрөтү берилип, ал жаныбар тууралуу маалымат жазылат. Аталган китеп үч бөлүктөн туруп, жапайы жаныбарлар, үй жаныбарлар жана өсүмдүктөр тууралуу болот. Бул кандайдыр бир деңгээлде этнопедагогиканы экологиялык билим берүү үчүн колдонуу максатында жасалууда", — деди Асыкулов.
Адис муну менен балдарга ата-бабалардын жаратылышка кандай мамиле жасаганын жеткирсе болорун кошумчалады.
