https://sputnik.kg/20220722/abehnin-oumurn-saktoo-kurosh-daryger-1066258878.html
13 литр кан куйдук. Дарыгер Абэнин өмүрү үчүн кандай күрөш болгонун айтып берди
13 литр кан куйдук. Дарыгер Абэнин өмүрү үчүн кандай күрөш болгонун айтып берди
Sputnik Кыргызстан
Синдзо Абэни 8-июлда Нара префектурасында шайлоочулардын алдында сүйлөп жатканда атып кетишкен. 22.07.2022, Sputnik Кыргызстан
2022-07-22T15:48+0600
2022-07-22T15:48+0600
2022-07-22T15:49+0600
япония
синдзо абэ
өлүм
дарыгер
https://sputnik.kg/img/07e6/07/16/1066258850_0:0:3072:1728_1920x0_80_0_0_52acab5b806bc477cbe2803188032cd0.jpg
БИШКЕК, 22-июл. — Sputnik. Япониянын мурдагы премьер-министри Синдзо Абэнин өмүрүн сактап калуу үчүн 41 медик аракет кылып, операция учурунда 13 литр кан куюлган. Бул тууралуу жергиликтүү NHK телеканалына шилтеме берип РИА Новости жазды.Эскерте кетсек, Синдзо Абэни 8-июлда Нара префектурасында шайлоочулардын алдында сүйлөп жатканда атып кетишкен. Далысына, мойнуна ок тийгени айтылган. Эс-учун билбей жыгылган саясатчыны алгач Тез жардам алып кетип, андан соң тик учак менен ооруканага жеткиришкен. Тилекке каршы, ал кечке жуук көз жумган.Кылмыш болгон жерден 41 жаштагы Тэцуя Ямагамини кармашкан. Япон ЖМКлары шектүү 2005-жылга чейин үч жыл өлкөнүн Аскер-деңиз күч түзүмүндө кызмат кылганын, андан соң эмне иш менен алектенип келгени белгисиз экендигин жазышкан.Ямагами суракка алынганын, мындай кадамга Абэнин саясатына нааразы болгону үчүн барганын айтып берген. Ошол эле учурда башка ЖМКлар шектүүнүн мурдагы аткаминерге кол салышына динге байланыштуу маселелер себеп болгонун жазып келет.68 жаштагы Синдзо Абэ Япониянын өкмөтүн эки ирет жетектеген. Тагыраагы, 2006-2007-жылдары жана андан кийин 2012-2020-жылдары премьер-министрлик кызматты аркалаган. Ал Либералдык-демократиялык партиядан баш-аягы тогуз жолу Эл өкүлдөр палатасына депутат болгон жана аталган партияны башкарчу.
https://sputnik.kg/20220709/sindzo-abe-eskeruu-kezekke-turuu-1065971266.html
япония
Sputnik Кыргызстан
media@sputniknews.com
+74956456601
MIA „Rossiya Segodnya“
2022
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
япония, синдзо абэ, өлүм, дарыгер
япония, синдзо абэ, өлүм, дарыгер
13 литр кан куйдук. Дарыгер Абэнин өмүрү үчүн кандай күрөш болгонун айтып берди
15:48 22.07.2022 (Жаңыртылды: 15:49 22.07.2022) Синдзо Абэни 8-июлда Нара префектурасында шайлоочулардын алдында сүйлөп жатканда атып кетишкен.
БИШКЕК, 22-июл. — Sputnik. Япониянын мурдагы премьер-министри Синдзо Абэнин өмүрүн сактап калуу үчүн 41 медик аракет кылып, операция учурунда 13 литр кан куюлган. Бул тууралуу жергиликтүү NHK телеканалына шилтеме берип
РИА Новости жазды.
"Жараат абдан чоң болгон. Анын үстүнө көкүрөктө өтө маанилүү кан тамырлар жайгашкандыктан, канды токтотуу оңой болгон жок. Дээрлик үч чоң кишиникине барабар кан куюлду. Бирок жүрөк иштебей койду. Акырында үй-бүлөсүнө кырдаалды түшүндүрдүм. Алар жандандыруу аракеттерин токтотуу чечимин кабыл алышты", — деди Нара префектуралык медициналык университетинин ооруканасынын профессору Хидетака Фукусима.
Эскерте кетсек, Синдзо Абэни 8-июлда Нара префектурасында шайлоочулардын алдында сүйлөп жатканда
атып кетишкен. Далысына, мойнуна ок тийгени айтылган. Эс-учун билбей жыгылган саясатчыны алгач Тез жардам алып кетип, андан соң тик учак менен ооруканага жеткиришкен. Тилекке каршы, ал кечке жуук
көз жумган.Кылмыш болгон жерден 41 жаштагы Тэцуя Ямагамини кармашкан. Япон ЖМКлары шектүү 2005-жылга чейин үч жыл өлкөнүн Аскер-деңиз күч түзүмүндө кызмат кылганын, андан соң эмне иш менен алектенип келгени белгисиз экендигин жазышкан.
Ямагами суракка алынганын, мындай кадамга Абэнин саясатына нааразы болгону үчүн барганын айтып берген. Ошол эле учурда башка ЖМКлар шектүүнүн мурдагы аткаминерге кол салышына динге байланыштуу маселелер себеп болгонун жазып келет.
68 жаштагы Синдзо Абэ Япониянын өкмөтүн эки ирет жетектеген. Тагыраагы, 2006-2007-жылдары жана андан кийин 2012-2020-жылдары премьер-министрлик кызматты аркалаган. Ал Либералдык-демократиялык партиядан баш-аягы тогуз жолу Эл өкүлдөр палатасына депутат болгон жана аталган партияны башкарчу.
