Азымбакиев Муратбек Абакирович — өмүр баяны
Жазылуу
Азымбакиев Муратбек Абакирович 1965-жылы 26-июлда туулган. Президенттик администрациянын тышкы саясат бөлүмүнүн башчысы болуп 2022-жылдын 19-майында дайындалды.
Билим берүү:
1990 — М. В. Ломоносов атындагы Москва мамлекеттик университетинин тарых факультетин артыкчылык менен аяктаган;
1992-1993 — Токиодо Япон борборунун базасында тилдик-дипломаттык стажировкадан өткөн;
1993 — СССР/Россия Тышкы иштер министрлигинин Дипломатиялык академиясын артыкчылык менен аяктаган;
Эмгек жолу:
1990-1991 — Караколдо Касым Тыныстанов атындагы Ысык-Көл педагогикалык институтунда саясий тарых факультетинде мугалим;
1993-1994 — ТИМдин Азия жана Тынч океан өлкөлөрү бөлүмүнүн экинчи, үчүнчү катчысы;
1994-1997 — Кыргызстандын БУУдагы туруктуу өкүлчүлүгүнүн (Нью-Йорк) экинчи, үчүнчү катчысы;
1997 (апрель – июнь) — ТИМдин Эл аралык уюмдар башкармалыгынын экинчи катчысы;
1997-1998 — ТИМдин Чыгыш өлкөлөрү башкармалыгынын биринчи катчысы;
1998-1999 — ТИМде министрдин жардамчысы — коллегиянын катчысы;
1999-2000 — ТИМдин Чыгыш өлкөлөр башкармалыгынын жетекчиси;
2000-2001 — Кыргызстандын Индиядагы элчилигинин кеңешчиси;
2001-2002 — Тышкы иштер министринин кеңешчиси;
2003-2004 — ТИМдин Тышкы саясий пландоо жана эл аралык экономикалык кызматташтык башкармалыгында кеңешчи;
2004-2005 — ТИМдин КМШ башкармалыгынын кеңешчиси;
2005-2008 — Кыргызстандын БУУнун Женевадагы жана башка эл аралык уюмдардагы туруктуу өкүлүнүн орун басары, кеңешчиси,
2008-2015 — Женевада Эл аралык автоунаа транспорту союзунун катчылыгында Эл аралык ташуулар маселеси боюнча жетекчи, орун басар;
2015-2016 — Тышкы иштер министринин катчылыгынын башчысы;
2016-2017 — ТИМдин Үчүнчү саясий департаментинин директору;
2017-2019 — ТИМдин Маалымат департаментинин директору;
2019 (апрель-август) — ТИМдин Төртүнчү саясий департаментинин директору;
2019-2021 — ШКУ катчылыгында Экономикалык жана гуманитардык маселелер боюнча департаменттин улук эксперти;
2021-2022 — Шанхай кызматташтык уюмунун башкы катчысынын орун басары;
2022-жыл, 19-май — Президенттик администрациянын тышкы саясат бөлүмүнүн башчысы.
Дипломаттык кызматтын биринчи класстагы кеңешчиси.
Үй-бүлөлүү, төрт баланын атасы.
