Радиостудия Sputnik Кыргызстан в Бишкеке - Sputnik Кыргызстан, 1920
Радио

Кыдыргычов: "Чекти талап кылып, белек утуп ал!" аттуу акция уюштурулууда

© Sputnik / Табылды КадырбековМамлекеттик салык кызматынын төрагасынын орун басары Исламбек Кыдыргычов
Мамлекеттик салык кызматынын төрагасынын орун басары Исламбек Кыдыргычов - Sputnik Кыргызстан, 1920, 13.05.2022
Жазылуу
Yandex newsTelegram
Мамлекеттик салык кызматынын төрагасынын орун басары Исламбек Кыдыргычов көмүскө экономиканын үлүшүн азайтууга көзөмөл кассалык машиналарды (ККМ) орнотуу менен күрөшүү ыкмасы колго алынганын белгиледи.
Жарандардын салыктык маданиятын жогорулатуу үчүн "Чекти талап кылып, белек утуп ал!" деген лоторея акциясы уюштурулууда. Бул тууралуу Исламбек Кыдыргычов Sputnik Кыргызстан радиосуна маек куруп жатып билдирди.
Кыдыргычов: "Чекти талап кылып, белек утуп ал!" аттуу акция уюштурулууда
Анын айтымында, бул көмүскө экономиканын үлүшүн азайтууга да көмөкчү болот.
"Экономиканы көмүскөдөн чыгарууда ККМди колдонуу — эң натыйжалуу ыкма болуп саналат. Ошондуктан бул багытта ар тараптуу иш алып баруу колго алынууда. Тактап айтсак, коомдук көзөмөлдү күчөтүү менен жарандардын салыктык маданиятын жогорулатуу үчүн атайын акция уюштурулууда. Ал "Чекти талап кылып, белек утуп ал!" деп аталат. Буга катышуу үчүн жарандар "салык чек" деген тиркемени көчүрүп, ИНН аркылуу каттоодон өтүш керек. Андан кийин соода кылганда, кызмат көрсөтүүлөрдү пайдаланганда чекти талап кылып, анын этегиндеги QR кодду жогоруда айтылган тиркеме аркылуу чек канча суммада болсо да сканерлөө зарыл. Анткени жалпы сумма миң сом болгон сайын бирден лотерея ыйгарылат. Ошол аркылуу батир, автоунаа, кымбат телефон жана башка атайын белектерди утуп алууга мүмкүнчүлүк түзүлөт. Чекти талап кылуу менен жарандар экономикага үлүшүн кошо алат. Баса, белектер үчүн мамлекеттик эсебинен каражат корогон жок. Ак ниет ишкерлер, салык төлөөчүлөр демөөрчүлүк кылууда. Себеби көмүскө экономиканын үлүшү азайып, ишкерлик ачык-айкын жүргүзүлө баштаса ак ниет атаандаштык күч алмак", — деди Кыдыргычов.
Аткаминер аталган акция жыл этегине чейин квартал сайын өткөрүлө турганын кошумчалады.
Жаңылыктар түрмөгү
0